Hind kinosining eng sevimli juftliklaridan biri Shohrux Xon va Rani Mukerji yana birgalikda bir loyihada suratga tushmoqda. Ular “Hayotda hamma narsa bo‘ladi”, “Muhabbat yo‘llari”, “Vir va Zara” hamda “Hech qachon alvido dema” kabi filmlari tomoshabinlar qalbini zabt etgan. Endilikda muxlislar ularni yangi “Qirol” filmida ko‘rishlari mumkin.
Ma’lumotlarga ko‘ra, Rani Mukerji epizodik, ammo muhim rol — Shohrux Xonning qizi Suhana Xonning onasini gavdalantiradi. Aynan shu obraz film syujeti rivojlanishining boshlang‘ich nuqtasi bo‘ladi. Raniga rolning mazmuni va chuqurligi yoqqan va shu sababli Shohrux Xon taklifi hamda rejissyor Siddhart Anandning iltimosiga darhol rozi bo‘lgan.
“Qirol” hind kinosi tarixidagi yirik loyihalardan biri bo‘lishi kutilmoqda. Filmda yana bir qator mashhur aktyorlar, jumladan, Dipika Padukone, Abhishek Bachchan, Arshad Varsi, Jaydip Ahlavat, Jeki Shroff, Abhay Verma va boshqalar ishtirok etadi. Ayniqsa, Abhishek Bachchanning salbiy obrazda chiqishi va uning yaqin oradagi ancha ozgan qiyofasi ijtimoiy tarmoqlarda katta shov-shuvga sabab bo‘ldi.
Foto: Dzen
Aslida filmning premyerasi 2025-yil 20-mayga rejalashtirilgan edi, biroq rejissyor Siddharth Anand hozircha suratga olish ishlarini boshlamagan. U ssenariy mazmuniga ko‘proq e’tibor qaratmoqda. Uning maqsadi “Josuslik olami”dagi muvaffaqiyatni ortda qoldiradigan darajadagi film ishlab chiqishdir. Film ustida Red Chillies Entertainment va Marflix kompaniyalari ishlaydi. Ssenariy muallifi — mashhur rejissyor Sudjoy Gxosh.
Shohrux Xon ilgari “Qirol” filmi haqidagi ayrim tafsilotlarni ochiqlagan. U Lokarno kinofestivalida yangi loyihaga “jangari-drama, hind tilidagi chuqur emotsional film” deb ta’rif bergan va bu turdagi loyihani uzoq yillardan beri orzu qilganini aytgan.
Foto: Dzen
Abu-Dabida o‘tgan bir tadbirda esa aktyor rejissyor Siddharth Anand unga film syujetining tafsilotlarini ommaga oshkor qilmaslikni qat’iy tayinlaganini ta’kidlagan.
Izoh (0)