Katta muvaffaqiyatga erishgan “Bekhem” hujjatli loyihasi, Rolls-Royseʼdagi mashhur lahzani va Buyuk Britaniyaning eng mashhur juftliklaridan birining munosabatlarini yangi ko‘rinishda ochib bergan. Endi esa Viktoriya Bekhem o‘zining haqiqiy hikoyasini so‘zlab berishga tayyor. Yaqinda Netflix uning hayoti haqida serial taqdim etadi.
Yangi serialda Viktoriya Bekhemning yorqin va chiroyli hayoti tasvirlanmaydi. Bu uning hayotidagi shubhalar, kurashlar va ko‘z yoshlar haqida bo‘ladi. Muallif Viktoriyaning oilaviy hayotiga emas, balki uning moda va go‘zallik sohasidagi yigirma yildan ortiq faoliyatiga e’tibor qaratadi.
Viktoriya o‘z nomi bilan brend yaratib, ijodiy direktor sifatida uni dunyo bo‘ylab 230 dan ortiq do‘konlarga olib chiqqan global kompaniyaga aylantirdi. Ushbu yo‘l uning uchun uzoq va mashaqqatli bo‘lgan, ammo u bundan juda faxrlanadi.
Men uchun Spice Girlsʼda davom etgan 4 yilgi davr hali ham muhim. Lekin, bu davr ko‘plab stereotiplarga ham sabab bo‘ldi. Endi menga o‘z yo‘lim haqida hech qanday bo‘rttirishlarsiz gapirish imkoni berildi. Albatta, bu jarayon ko‘z yoshlarsiz bo‘lmaydi. Bu lahzalarni katta ekran yoki telefonda ko‘rganda qanday his qilishimni bilmayman, deydi Viktoriya Bekhem.
Netflix tomoshabinlari yaqinda Viktoriya Bekhemning yangi hujjatli serialini ko‘rib, uning haqiqiy hayoti va mashaqqatli mehnati bilan yaqindan tanishish imkoniyatiga ega bo‘ladi.
Izoh (0)