YouTube platformasida uzoq kutilgan “Avatar‑3” franshizasining ilk rasmiy treyleri taqdim etildi. Film “Olov va kul” deb nomlanadi. Videorolikda bu safar navi xalqining olov elementi bilan bog‘liq qabilasi ko‘rsatilgan.
Filmda Pandoraning ilgari ko‘rsatilmagan hududlari, yangi qahramonlar va avvalgi qismlarda tilga olinmagan voqealar kengroq ochib berilishi kutilmoqda.
Avvalroq trilogiyaning uchinchi qismi franshizadagi eng uzun film bo‘lishi ma’lum qilingan edi. Uning davomiyligi 3 soat 12 daqiqani tashkil qiladi. Rejissyor Jeyms Kemeron bu vaqt davomida tomoshabinlar nafaqat Pandoraning betakror manzaralaridan, balki “yanada murakkab va serqirra voqealardan” ham bahramand bo‘lishini va’da bergan.
“Avatar” franshizasi tarixda eng ko‘p daromad keltirgan filmlar qatoriga kirgan bo‘lib, uning ilk qismi 2009-yilda chiqqan. Keyingi qism “Avatar: Suv yo‘li” esa 2022-yilda namoyish etilib, rekord darajadagi kassa natijalarga erishgan. Shu sabab yangi qism tomoshabinlar orasida katta qiziqish uyg‘otmoqda.
Eslatib o‘tamiz, “Avatar: Olov va kul” xalqaro prokatga 2025‑yil 19‑dekabrda chiqadi. Filmning chiqishi bilan birgalikda franshizaning keyingi, to‘rtinchi va beshinchi qismlarini suratga olish uchun tayyorgarlik jarayoni boshlanadi.
Izoh (0)