“Shaytanat” serialidagi Georg Manukyan obrazi orqali tanilgan aktyor, O‘zbekistonda xizmat ko‘rsatgan artist, rejissyor va pedagog Mixail Kaminskiy 27-may kuni 72 yoshida vafot etdi. Bu haqda O‘zbekiston Kino arboblari ijodiy uyushmasi xabar berdi.
Mixail Kaminskiy 1953-yilda tug‘ilgan. U uzoq yillik ijodiy faoliyati davomida Rossiya yosh tomoshabinlar teatri va Toshkentdagi Gorkiy nomidagi rus teatrida aktyor bo‘lib ishlagan. U “Ilhom” teatrining yaratilishida muhim o‘rin tutgan. 1998-yildan “Aladdin” teatrining badiiy rahbari, 2022-yildan esa Toshkentdagi VGIK filialida aktyorlik mahorati bo‘yicha ustaxona rahbari sifatida faoliyat yuritgan.
Kaminskiy kinodagi faoliyati davomida “Yetti haykal bitta kal”, “Shaytanat”, “Bag‘dodda tinchlik”, “Nazira”, “Qo‘rg‘oshin” kabi filmlarda rol ijro etgan.
Izoh (0)