Ken Kizining shu nomli mashhur romaniga asoslangan “Kakku uyasi uzra parvoz” filmi uchun yangi serial suratga olinadi. Serialda bosh qahramonlardan biri — Janob Bromden (Vojd) haqida hikoya qilinadi. Bu haqda kino olamiga oid CK Café podkastida prodyuser Pol Zents ma’lum qildi.
“Marhum Ken Kizining rafiqasi bilan serial suratga olish bo‘yicha shartnoma imzoladim. Unda biz voqealarni Vojd nuqtayi nazaridan ko‘rsatamiz. Birinchi mavsumda uning ruhiy kasallar shifoxonasidan qochganidan keyingi hayoti aks ettiriladi”, dedi Zents.
Ma’lumot uchun, yozuvchi Kizi 1975-yilda Milosh Forman tomonidan suratga olingan filmni qattiq tanqid qilgan edi, chunki film asl roman mazmunidan chetga chiqqan va undagi voqealar Bromdenning nigohi bilan bayon etilgan.
Barcha qo‘zg‘olonchilarning ozodlik madhiyasiga aylangan ekranizatsiyada bosh rol Rendl Patrik MakMyorfiga (Jek Nikolson ijrosida) berilgan. Hozircha yangi serialning ssenariy muallifi kim bo‘lishi va loyihani qaysi studiya ishlab chiqarishi noma’lum.
Drama syujetiga ko‘ra, bosh qahramon tibbiy ko‘rikdan o‘tishi uchun qamoqxonadan ruhiy kasallar shifoxonasiga ko‘chiriladi. U yerda u boshqa bemorlarning hayotini o‘zgartirishga harakat qiladi hamda shafqatsiz katta hamshiraga qarshi kurashish uchun barchaga ilhom beradi. Bromden — o‘zini kar va soqov qilib ko‘rsatadigan bemor. Biroq yangi kelgan bemorning harakatlari ta’sirida u asta-sekin bu niqobni yechadi.
Ayni paytgacha ekranlashtirilgan yagona rasmiy televizion spin-off bu 2020-yilda Netflix platformasida namoyish etilgan “Retched” serialidir. Ammi loyiha birinchi mavsum chiqqanidan keyin bekor qilingan. Uning prodyuseri ham Sol Zents bo‘lgan.
Izoh (0)