Amerikalik aktyor Tom Kruz 62 yoshda. Kino yulduzi bu yoshni hali ham hayajonli his-tuyg‘ulardan voz kechish uchun sabab emasligini isbotladi. “Missiya: imkonsiz – yakuniy hisob” filmidagi aql bovar qilmas tryuki uchun u Ginnesning rekordlar kitobiga kiritildi.
Filmda ta’sirli kadrlar olish maqsadida aktyor yonuvchi modda sepilgan vertolyotdan parashyut bilan 16 marta sakragan. Parvoz vaqtida parashyut yonib ketgan, va Tom Kruz undan xalos bo‘lishi, so‘ng esa zaxira bilan yerga tushishi kerak bo‘lgan. Ba’zi dubllarda u tanasiga mahkamlangan qo‘shimcha kamera bilan sakragan, bu kamera parvoz paytida yaqin plandagi kadrlarni suratga olgan.
Bu rekord — Tom Kruz mashhur bo‘lgan jasur va tentakona jur’atning yagona namunasi emas. Qariyb qirq yillik aktyorlik faoliyati davomida u deyarli kaskadyor xizmatidan foydalanmagan, tryuklarni mustaqil bajargan. Aktyor bir necha bor jarohat olgan, hatto o‘lim bilan yuzma-yuz kelgan paytlari ham bo‘lgan. Ammo u hech qachon taslim bo‘lmagan va rejasidan voz kechmagan.
Xavfli his-tuyg‘ular ixlosmandi
Tom Kruzning aktyorlik karyerasi 1981-yilda Franko Zeffirelli rejissyorligidagi “Cheksiz sevgi” melodramasidagi epizodik roli bilan boshlandi. Keyingi besh yil ichida u Amerika kinolarining yorqin yulduziga aylandi. Harbiy drama “Eng yaxshi mergan”dagi Pit Mitchel roli unga ommaviy mashhurlikni taqdim etdi. Ammo uning hayotidagi asosiy kino franshizasi, o‘zining xavfli tryuklari uchun maydoncha bo‘lgan “Missiya: imkonsiz” filmi edi.
Filmning dastlabki qismida aktyor o‘zining birinchi tryukini – akvarium portlashini mustaqil tarzda amalga oshirdi.
“Missiya: imkonsiz 2” filmida u vertikal qoyadan erkin ko‘tarilish qobiliyatini namoyish etdi. “Missiya: imkonsiz — ruh protokoli”da dunyodagi eng baland bino Burj Xalifa cho‘qqisiga chiqdi. “Missiya: imkonsiz — qochqinlar qabilasi”da u Marokash yo‘lida poyga sahnasida motosikl haydab ketdi. Uning eng ta’sirli tryuklaridan biri esa “Missiya: imkonsiz — o‘lim jazosida” filmining qoyadan motosikl bilan sakrash sahnasi bo‘ldi.
Tryuklarini o‘zi bajarishga bo‘lgan muhabbat aktyorga bir necha marta o‘lim xavfini keltirib chiqardi. Barcha bunday holatlar uning aybi emas edi, ammo puxta tayyorgarlik va ajoyib omad tufayli Tom Kruz bugun 62 yoshga to‘lib, faoliyatini davom ettirmoqda.
Fojia oldida bir qadam
Tom Kruzning “Eng yaxshi mergan” filmidagi fojiali sahnasi uning ko‘tarilayotgan yulduz sifatidagi karyerasini yakunlashiga yaqin edi. Unda Kruzning qahramoni, “Gus” laqabli (Entoni Edvards ijrosida) jiddiy jarohat olgan hamkasbini suv ustida ushlab turishga harakat qiladi. Lekin uning parashyuti to‘satdan suv ustida ochilib ketadi va Kruzni suv tubiga tortib ketish xavfi tug‘iladi. Buni suratga olish guruhidan bir suzuvchi payqab, aktyorni vaqtida ozod qilgan.
To‘rt yil o‘tib, “Bo‘ron kunlari” filmida Tom Kruz NASCAR poygachisi Ko‘l Trikl rolini ijro etdi. Maslahatchining ogohlantirishlariga qaramay, u poyga yo‘liga chiqib, haqiqiy poygalarda ko‘rgan tryuklarini takrorlashga urindi. Natijada u devorga urilib, qariyb 100 000 dollarlik yangi kamerani sindirdi.
“Kelajak chegarasida” nomli fantastik filmda esa unga suratga olishdagi sherigi Emili Blant xavf tug‘dirdi. Ta’qib sahnasida u burilish oldidan to‘xtash kerak edi, ammo kechikdi. Keyinchalik aktrisa Kruzning o‘ziga past ovozda to‘xta deb aytayotganini eslagan, lekin o‘z manyovrini kech amalga oshirib, daraxtga urildi. U Kruzning o‘limiga sabab bo‘ldim deb o‘ylagan, ammo baxtiga aktyor faqat bir nechta joyi tirnalgan edi.
Tom Kruzning eng xavfli va aqldan ozdiruvchi tryuklaridan biri — “Missiya: imkonsiz – qochqinlar qabilasi” filmidagi samolyot tashqi qobig‘ida uchishidir. Aktyor Airbus A400M samolyoti eshigiga ilingan holda, faqat xavfsizlik kamari, maxsus ko‘zoynak va yupqa himoya jileti bilan uchgan. Aynan bu jilet unga kichik tosh zarbasi ta’siridan himoya qildi. Agar tosh yuziga yoki qo‘liga tegsa, “Missiya: imkonsiz – oqibatlar” filmida boshqa aktyor rol o‘ynagan bo‘lar edi. Oqibatda esa faqat qovurg‘asi singan.
Yaxshi qilishni xohlasang — o‘zing qil
Ko‘plab intervyularda u nima uchun hayotini xavf ostiga qo‘yishini turlicha izohladi.
Asosiy sabablar bir necha: birinchidan, Tom Kruz filmlariga tomoshabinlar xursand bo‘lib chipta sotib olishadi, chunki ular haqiqiy hayajonni kutishadi. Bu esa kino kompaniyalari uchun qimmat sug‘urtalarni to‘lashni oqlaydi.
Ikkinchidan, aktyor biladi-ki, tomoshabinlar undan yangi jasoratlarni kutmoqda va o‘z kasbining mas’ul vakili sifatida aktyor ularning umidini oqlashi kerak. Shu bois har bir yangi filmda tryuklar yanada xavfli va ta’sirli bo‘lmoqda.
Uchinchidan, Kruzning o‘zi uchun ham bu zarurdir. Faoliyatining boshidan u nafaqat dramatik, balki jismoniy qiyinchiliklarni ham talab qiladigan kinoda suratga tushishni xohlardi. Shuningdek, u agar tryuklarni o‘zi bajarmasa va kaskadyor yuborsa, hamkasblarining ko‘zlariga qaray olmasligini ham tan olgan.
Izoh (0)