Aktyorlarning tasodifiy so‘zlari, improvizatsiya qilingan sahnalar va kutilmagan hazillar — aynan shu kichik detallar shedevr asar yaratadi. Bu filmlarni yuz martalab ko‘rgan bo‘lsangiz ham, ular haqidagi faktlar sizni hayratda qoldiradi.
“I operatsiyasi” filmidagi Shurik rolini Petrosyanga berishmoqchi bo‘lishgan
Yevgeniy Petrosyanning xotirlashicha, Gayday dastlab unga mashhur komediyada Shurik rolini o‘ynashni taklif etgan ekan. O‘shanda hazilkash 19 yoshda bo‘lib, aynan shu yoshga mos kelardi. Aleksandr Demyanenko esa undan 8 yosh katta edi.
Petrosyan Shurikni ko‘proq romantik qahramon deb hisoblagani uchun rolni rad etadi. O‘sha paytda uni bevosita komedik obrazlar ko‘proq qiziqtirardi. Biroq vaqt o‘tib, u xato qilganini va film aynan komediya janrining klassikasiga aylanganini ko‘rsatdi.
“Kavkaz asirasi” filmi umuman suratga olinmasligi ham mumkin edi
“Kavkaz asirasi” filmi biz barchamiz eslaydigan ko‘rinishda bo‘lmasligi ham mumkin edi. Buning sababi shuki, Yuriy Nikulin katta ekranda yana Dovdir rolini ijro etishdan qat’iyan bosh tortgan.
U o‘z qarorini Vitsin va Morgunov bilan birgalikdagi uchlik allaqachon o‘zini tugatgan, deb hisoblashi bilan asoslagan. U hatto rejissyorga boshqa yechim izlashni maslahat bergan, chunki sirkda ham, kinoda ham hazil uzoq yashamasligini ta’kidlagan.
Gayday esa Nikulinsiz film suratga olinmasligini aytadi. Uni ko‘ndirish uchun har xil yo‘llar qo‘llaniladi, ammo baribir hal qiluvchi rolni ayol kishi o‘ynaydi — Nina roliga tasdiqlangan aktrisa yosh gimnastikachi Natalya Varley Nikulinga tanish bo‘lgan sirk doirasidan edi.
Suratga olish maydonida Nikulin Varleyga ustozlik qiladi. Premyeradan so‘ng butun mamlakat Varleyni taniy boshlaydi va mashhur uchlikni: Qo‘rqoq, Dovdir va Bezbet deb atalgan personajlarni yanada ko‘proq sevib qoladi.
“Omadli jentlmenlar” filmida sisternadagi aralashma rang berilgan xamirturush bo‘lgan
Albatta, hech kim aktyorlarni haqiqiy sementga botirishni o‘ylamagan. Chunki qorishma tez qotib qoladi, suratga olish esa ancha vaqt talab qilishi mumkin edi.
Rekvizitorlar sement qorishmasiga muqobil topish uchun anchagina bosh qotirishga majbur bo‘lishgan. Avvaliga pivo achitqisidan xamir tayyorlashadi. Hatto yorma bo‘tqasini ham sinab ko‘rishadi, ammo ikkala variant ham tasvirda yaxshi ko‘rinmaydi.
Nihoyat sinov va xatolar orqali piyoz essensiyasi bilan bo‘yalgan non xamirturushidan foydalanishga qaror qilinadi.
Vasiliy Aliboboyevich rolini Frunzik Mkrtchyan ijro etishi mumkin edi
“Omadli jentlmenlar” filmidagi Vasiliy Aliboboyevich rolini ijro etadigan aktyorni topishda o‘z vaqtida muammolar yuzaga kelgan. Vladimir Etush va Ilya Rutbergni sinab ko‘rishgan, keyin esa rejissyorning e’tibori Frunzik Mkrtchyanga tushadi.
Aktyor bu filmda suratga tushishni juda xohlagan, ammo taqdir taqozosi bilan suratga tusholmay qolgan: o‘sha paytda Armaniston Respublikasi 50 yilligini nishonlayotgan bo‘lib, rahbarlar aktyorning tantanalarda qatnashishini talab qilishgan. U na qochib ketolgan, na tanish-bilishlari orqali masalani hal qila olgan. Oqibatda Radner Muratov deyarli sinovlarisiz rolga tasdiqlangan. Bu uning hayotidagi birinchi bosh roli bo‘lgan.
Natalya Seleznyova muvaffaqiyatli dubl uchun 20 ta sosiska yeyishiga to‘g‘ri kelgan
Aktrisa “I operatsiyasi” va “Shurikning boshqa sarguzashtlari” filmida suratga tushganidan so‘ng ikki yil davomida sosiskaga qaragisi ham kelmagan. Garchi u sosiskalarni juda yaxshi ko‘rsa-da, film suratga olinayotganda 20 ta sosiska yeyishga majbur bo‘lgan.
“Oq shudringlar” filmida Karachensovni daraxtga chiqishga ko‘ndirish uchun ancha vaqt ketgan
“Oq shudringlar” filmida Karachensov qahramonining faqat yuqoriga qarashi bejiz emas. Buning sababi aktyor balandlikdan juda qo‘rqardi. Shuning uchun uni ko‘p qavatli binoning oltinchi-yettinchi qavatiga teng bo‘lgan balandlikdagi laylak uyasiga chiqishga ko‘ndirish uchun ancha vaqt ketgan.
Aktyorni daraxtga ko‘tarma kran yordamida o‘tqazish kerak bo‘lgan. Suratga olish ham xuddi shu usulda amalga oshirilgan. Bu sahna Karachensov uchun haqiqiy sinovga aylangan.
Izoh (0)