62 yoshli Tom Kruz kino sohasidagi eng oliy mukofot — “Oskar” bilan taqdirlanadi. Blokbasterlar yulduzi bu mukofotni kino sanoatiga qo‘shgan ulkan hissasi uchun oladi. Kinematografiya san’ati va fanlar akademiyasi tanlov dasturidan tashqari maxsus beriladigan mukofotni topshirishini e’lon qildi. Bu mukofot “hayoti davomida erishgan yutuqlari, kinematografiya san’ati va ilm-fanning rivojiga beqiyos hissa qo‘shgani yoki akademiyaga alohida xizmatlari uchun” beriladi. Akademiyaning rasmiy saytida shunday yoziladi: “Tom Kruzning kino, teatr va kaskadyorlar jamoasiga bo‘lgan ajoyib sadoqati barchamiz uchun ilhom manbai bo‘ldi”. Tom Kruzdan tashqari “Oskar” mukofotini xoreograf Debbi Allen va sahna dizayneri Uinn Tomas ham oladi. Ushbu taqdirlash marosimi 16-noyabr kuni o‘tkaziladigan Governors Awards marosimida bo‘lib o‘tadi. Yaqinda aktyor olovli parashyutdan 16 marta sakrab, Ginnesning rekordlar kitobiga kirgan edi.
Mavzuga doir
×![Lightbox Image]()
Izoh (0)