Mashhur “Kalmar o‘yini” yakunlangani munosabati bilan serialning bosh aktyorlari qatnashgan boshqa koreys doramalari bilan tanishing.
“Janob Quyosh nuri” (2018
- Janr: drama, tarixiy.
- Seriyalar soni: 24.
- Bosh rollarda: Li Byon-xon, Kim Tae-ri, Yu Yong-sok va boshqalar.
XIX asr oxirida Koreyadagi to‘polonlar va o‘zgarishlar davrida qullar oilasida tug‘ilgan kichik bola kemada Amerikaga yo‘l oladi. Ko‘p yillar o‘tgach, u vataniga Yujin Chxve ismli Amerika dengiz piyodalari zobiti sifatida qaytadi. Chosonda u Go I-shin ismli boy va olijanob ayol bilan uchrashadi. Bu ayol kelib chiqishiga qaramay, mamlakat mustaqilligi harakatida ishtirok etmoqda. Yujin o‘ziga xiyonat qilgan mamlakat va sevib qolgan ayol o‘rtasida tanlov qilishi kerak bo‘ladi.
“Kalmar o‘yini” boshlovchisi rolini ijro etishdan oldin aktyor Li Byon-xon vatani mustaqilligi va kelajagi uchun kurashda bor-yo‘g‘ini qurbon qilgan insonlar haqidagi keng qamrovli va ta’sirli hikoyada bosh rolni o‘ynagan.
“Katta yovuzlik” (2023)
- Janr: drama, kriminal, jangari.
- Seriyalar soni: 12.
- Bosh rollarda: Chi Chang-uk, Vi Ha-jun, Im Se-mi va boshqalar
Seul, 1995-yil. Nufuzli Kanname tumanida shafqatsiz kurash avj oladi: jinoiy guruh a’zosi Chon Gi-chol to‘ntarish uyushtirib, o‘z boshlig‘ini yo‘q qiladi, biroq hokimiyatni egallash paytida uning eng yaqin do‘sti Te-ho halok bo‘ladi. Chon Gi-cholning to‘dasi yirik bitimini barbod qilish uchun politsiya zobiti Kan Jun-mo Te-honing amakivachchasi niqobida to‘daga kirib oladi. To‘da ichida taranglik kuchaya boshlaydi va Kan Jun-mo asta-sekin o‘zligini yo‘qota boradi.
“Kalmar o‘yini” serialida politsiyachi Xvan Chon-ho rolini ijro etgan aktyor Vi Ha-jun 2023-yilda Janubiy Koreyaning 90-yillardagi jinoyat olamining qora manzarasini aks ettiruvchi filmda xarizmatik jinoiy guruh yetakchisi rolini o‘ynadi. O‘zini yo‘q qilish va buyruqni bajarish o‘rtasida tanlov qilishga majbur bo‘lgan yashirin politsiyachi va to‘daning yosh rahbari yaxshilik va yomonlik o‘rtasidagi chegara tobora xiralashib borayotgan ikki tomonlama o‘yin olib boradi.
“O‘yin qoidalari” (2017)
- Janr: drama, komediya, jinoyat.
- Qismlar soni: 16.
- Bosh rollarda: Park Xe-su, Jong Gyong-ho, Kristal Jong va boshqalar.
Iste’dodli beysbolchi Kim Jexyok singlisini himoya qilib, mushtlashadi va bir yillik qamoq jazosiga hukm qilinadi. Qamoqxonada u nazoratchi bo‘lib ishlaydigan do‘sti Li Jung-ho bilan uchrashadi. Panjaralar ortida Jexyok og‘ir qamoqxona hayotiga duch keladi, yangi turmush qoidalarini o‘zlashtirishga va chin do‘stlik, sadoqat hamda insoniylikni qadrlay boshlashga majbur bo‘ladi.
“Kalmar o‘yini” serialining birinchi mavsumida 218-raqamli o‘yinchi Cho Sang-u rolini ijro etishidan bir necha yil oldin aktyor Park Xe-su “O‘yin qoidalari” nomli tragikomediyada bosh rolni o‘ynagan.
“O‘smirlik” (2023)
- Janr: drama, komediya, jangari.
- Seriyalar soni: 10.
- Bosh rollarda: Im Shi-van, Li Son-bin, Li Shi-u va boshqalar.
1989-yil. Kamgap va zaif o‘quvchi Chan Byong-txeni sinfdoshlari doimo qiynashadi. Biroq u boshqa maktabga o‘tganda, uni tasodifan “Asan oq yo‘lbarsi” laqabli mashhur bezori deb o‘ylashadi. Bu yanglish obro‘ Chan Byong-txeni maktab to‘dasining “sardori”ga aylantiradi va uning rahbarligida to‘da sezilarli o‘zgarishlar yo‘liga kiradi. Ammo haqiqiy “Oq yo‘lbars” paydo bo‘lgach, vaziyat murakkablashadi.
Im Shi-van ijrosidagi 333-raqamli o‘yinchi Li Myon-gi “Kalmar o‘yini”ning uchinchi mavsumidagi eng muhim ishtirokchilardan biriga aylandi.
“Mashhurlik” (2023)
- Janr: drama, triller.
- Seriyalar soni: 12.
- Bosh rollarda: Pak Kyu-yong, Li Chon-a, Chon Hyo-son va boshqalar.
Oddiy qiz So A-ri dadil xatti-harakatlari va yuqori maqsadlari tufayli tez orada mashhur blogerga aylanadi. Bir milliondan ortiq obunachiga ega bo‘lgach, u yorqin postlar, layklar, muxlislar va tanqidchilar olamiga sho‘ng‘iydi. Biroq bu jozibali ko‘rinish ortida raqobat, firibgarlik, mojarolar va hatto kiberbullingdan tortib qotillikkacha bo‘lgan jinoyatlar yashiringan. Asta-sekin So A-ri shou-biznesning qora tomonini va unda faoliyat yuritayotganlarni fosh etishga ahd qiladi.
“Kalmar o‘yini” serialining ikkinchi va uchinchi mavsumida 11-raqamli askar Kang No-il rolini ijro etgan aktrisa Pak Kyu-yong 2023-yilda tomoshabinlarga “katta” va “mashhur” blogerlarning barcha hiyla-nayranglari va qorong‘u tomonlarini namoyish etadi.
“Prezident yordamchisi” (2019)
- Janr: drama.
- Qismlar soni: 10.
- Bosh rollarda: Li Jong-je, Shin Min-a, Li Eliya va boshqalar.
Aqli, qat’iyati va sovuqqon hisob-kitobi tufayli sobiq detektiv Chan Te Xo Milliy majlis deputatining yordamchisi darajasiga ko‘tariladi. U eng qizg‘in siyosiy kurashlarda ishtirok etadi. Kunlarning birida uning raqibiga mamlakat uchun eng dolzarb masalalarni ko‘taradigan sobiq teleboshlovchi, deputat Kan Son Yon aylanadi. Ularni shaxsiy munosabatlar bog‘lab tursa-da, turli partiyalarga mansubligi sababli bir-biriga qarshi turishga majbur bo‘ladi.
“Kalmar o‘yini” filmidagi 256-raqamli o‘yinchi Son Ki Xun rolini ijro etgan aktyor Li Jong-je 2019-yilda u “Prezident yordamchisi” siyosiy dramasida bosh rolni o‘ynadi. Fitnalar, manipulyatsiyalar, katta ambitsiyalar, saylovda kerakli natijalariga erishish uchun parda ortidagi kurashlar va shaxsiy aloqalar — bularning barchasi Koreya siyosatining qaynoq dunyosiga sho‘ng‘ish va Li Jong-jeni butunlay boshqacha qiyofada ko‘rish imkonini beradi.
Izoh (0)