Qirg‘izistonda mamlakat janubidagi O‘sh shahrida joylashgan Vladimir Leninning 23 metrlik haykali demontaj qilindi. Bu haqida mahalliy nashrlar xabar bermoqda.
O‘sh shahri maʼmuriyatining bergan maʼlumotlariga ko‘ra, yodgorlik o‘rnatilgan joyga davlat bayrog‘i tushirilgan 95 metrlik bayroq ustuni o‘rnatiladi.
Maʼlumotlarga ko‘ra, yodgorlik 7-iyunga o‘tar kechasi demontaj qilingan. Shahar meriyasi ushbu voqeani “siyosiylashtirmaslik” kerakligini, bu qaror shaharning meʼmoriy va estetik qiyofasini yaxshilashga qaratilgan odatiy amaliyot ekanini taʼkidlagan.
Eslatib o‘tamiz, Vladimir Leninning O‘shdagi haykali Markaziy Osiyodagi eng baland haykal bo‘lib, uning og‘irligi 7,5 tonnani tashkil etgan. Yodgorlik sovet haykaltaroshi, SSSR Badiiy akademiyasi prezidenti Nikolay Tomskiy tomonidan yasalgan bo‘lib, 1975-yilda shahar markaziga o‘rnatilgan edi.
Izoh (0)