Qozog‘istonda 20,3 milliondan ortiq aholi istiqomat qilmoqda. Bu haqda mamlakatning Milliy statistika byurosida xabar berdi.
Oy davomida aholining o‘sish sur’ati 0,34 foizni tashkil etgan. 1-yanvardan beri aholi soni 69 mingdan ortiq kishiga oshgan. Mamlakat aholisi asosan shaharlarda yashashni afzal ko‘rmoqda. Shaharlarda istiqomat qiluvchilar 12,8 milliondan, qishloqlarda esa 7,9 milliondan ortiqni tashkil etmoqda.
Qozog‘istonning eng ko‘p aholi yashaydigan hududlari quyidagilar:
Olmaota — 2,3 million kishi,
Turkiston viloyati — 2,1 milliondan ortiq,
Ostona — 1,5 million,
Olmaota viloyati — 1,5 milliondan ortiq,
Chimkent — 1,2 million.
Shuningdek, Jambil viloyati (1,2 million) va Qarag‘anda viloyati (1,1 million) ham eng ko‘p aholiga ega hududlar qatoriga yaqinlashmoqda.
Mart oyida Qozog‘iston aholisi 20,3 millionga yetgani haqida ilk bor xabar berilgan edi. 2025-yil 1-yanvar holatiga ko‘ra, mamlakatda 20 286 084 nafar aholi ro‘yxatga olingan. 2024-yil 1-dekabrda esa bu ko‘rsatkich 20,2 milliondan oshgandi.
Ma’lumot uchun, Qozog‘iston aholisi ilk bor 2023-yilning noyabrida 20 millionlik chegarani bosib o‘tdi. 2024-yil oktyabr oyida esa mamlakatda ayollar soni erkaklarnikiga nisbatan ancha yuqori ekani aniqlangan edi.
Izoh (0)