Pokiston va Afg‘oniston o‘rtasida qurolli to‘qnashuv yuz berdi. Hodisa Hilmand viloyatining Bahromcha chegara hududida bo‘lib o‘tdi. Bu haqda Al Arabiya xabar berdi.
Xabarga ko‘ra, otishma 29-may kuni Pokistonda yangi chegara nazorat-o‘tkazish punktlari qurilishi fonida boshlangan. Ayni paytda davlatlar o‘rtasidagi chegara barcha transport turlari uchun yopiq ekani aytilmoqda. Afg‘onistonning maydoni bo‘yicha eng katta Hilmand viloyati Pokiston bilan chegaradosh.
Pokiston politsiyasiga ko‘ra, mamlakat xavfsizlik kuchlari Kashmirda “Tolibon”ga aloqador jangarilar yashiringan joyni aniqlagan. Keyin otishma sodir bo‘lgan, oqibatda ikki politsiyachi va to‘rt nafar jangari halok bo‘lgan. Mintaqadagi vaziyat keskinligicha qolmoqda, tomonlar o‘t ochishni to‘xtatish haqida e’lon qilmagan. To‘qnashuvlarning boshqa tafsilotlari noma’lum.
“Tolibon” Afg‘oniston ustidan nazoratni qo‘lga kiritgach, Pokistonda xavfsizlik muammolari kuchaygan. Pokiston hukumati “Tolibon”ni Pokiston “Tolibon” harakati jangchilariga boshpana berayotganlikda ayblamoqda.
Izoh (0)