Payme to‘lov xizmati foydalanuvchilari instagramda urikguli taxallusi bilan tanilgan bloger va ekofaol Mo’tabar Xushvaqtova loyihasini qo‘llab-quvvatlash uchun — 1 mlrd ball to‘plashdi. Ushbu tashabbus tufayli noyabr oyida "Navoiyazot" AJ hududida mingdan ortiq daraxt ekildi.
Oktyabr oyida Mo’tabar o‘z blogida Navoiyda daraxt ekish uchun pul yig‘ilishini e’lon qildi. Ammo pul miqdori yetarli tarzda oshib bormadi va payme xodimlari ushbu loyihani qo‘llab-quvvatlashga qaror qilishdi. Kompaniya to‘lov xizmatining millionlab foydalanuvchilari orasida sayyoramizga yordam berishni istaydiganlar yetarlicha topilishiga ishonchi komil edi va bu ishonch o’zini oqladi. Bir necha kun ichida payme mahalla ishtirokchilari tashabbusni qo‘llab-quvvatlash uchun 1 milliard ball xayriya qilishdi.
Loyihada biologlar va tuproqshunoslarning ishtiroki muhim ahamiyat kasb etdi. Ularning tavsiyalari asosida ekish uchun joy va daraxtlarning maqbul turi - mahalliy iqlim sharoitiga chidamli bog‘ qayrag’ochi tanlandi. Qo‘shimcha ravishda daraxtlarning parvarishini ta’minlash uchun hududni tanlash mahalliy boshqaruv organlari bilan kelishildi. "Navoiyazot" AJ ularni parvarishlashni ta’minlaydi.
"Payme kompaniyasi vakillari ishonamizki, tabiatga g‘amxo‘rlik puxta o‘ylangan yechimlarni talab qiladi. Biz uchun nafaqat daraxt ekish, balki ular uzoq yillar yashashi uchun sharoit yaratish muhimdir. Mashhur bloger, davlat idoralari xodimlari, biologlar, payme mijozlari va bizning jamoamiz kabi mamlakat bo’ylab turli odamlarni ushbu tashabbus birlashtirganidan xursandmiz," — deb o‘rtoqlashdi o’z fikrlari bilan payme nasiya mahsulot menejeri va ESG mutaxassisi Anna Postnova.
"Bu loyiha — birgalikdagi sa’y-harakatlar atrof-muhitni yaxshilashga qodir ekanligiga yaqqol misol bo'la oladi. Daraxt ekish - nafaqat tabiatga g’amxo’rlik, balki loyihada ishtirok etish va yordam berishga tayyor bo‘lgan insonlar uchun ham muhim hisoblanadigan jarayondir. Payme mahalla orqali ushbu tashabbusni qo‘llab-quvvatlagan, ishonch va mas’uliyatli yondashuv uchun befarq bo‘lmagan insonlardan minnatdorman. Umid qilamanki, Navoiydagi daraxtlar katta o‘zgarishlarning debochasi bo‘ladi va qolganlarni ham Ona sayyoramizga g‘amxo‘rlik qilishga ilhomlantiradi," — deydi Mo’tabar Xushvaqtova.
payme mahalla — payme ilovasining bir qismi hisoblanadi. Bu - foydali tashabbuslarda oson tarzda ishtirok etish imkonini beruvchi platformadir. Har bir to‘lov va o‘tkazma uchun payme mijozlari sodiqlik dasturi bo‘yicha ballarni olishadi va keyin ularni payme mahallada muhim hayotiy vazifalarni hal qilish uchun xayriya qilishlari mumkin. 2022-yil dekabr oyidan boshlab payme mijozlari O‘zbekiston va Qoraqalpog‘iston Respublikasining bir nechta viloyatlarida maktablar uchun kompyuterlar, sport anjomlari va kanselyariya mahsulotlarini sotib olish va o‘rnatishga ko’maklashishdi.
Reklama huquqi asosida.
Izoh (0)