Qirg‘iziston prezidenti Sadir Japarov bosh vazir Oqilbek Japarov va yana bir qancha mansabdor shaxslarga o‘qituvchilar uchun sifatsiz noutbuklar xarid qilinganiga hayfsan berdi.
Bu haqida Qirg‘iziston rahbari matbuot xizmati ma’lum qildi.
Oqilbek Japarov va uning o‘rinbosari Edil Baysalov “Ta’lim vazirligi tomonidan umumta’lim maktablari o‘qituvchilari uchun sifatsiz noutbuklar xarid qilish vaqtida o‘zlariga yuklangan xizmat vazifalarini lozim darajada bajarmaganliklari uchun” hayfsan bilan jazolangan.
Shuningdek, taʼlim va fan vaziri Dog‘durqul Kendirboyeva, vazir o‘rinbosari Lira Samiqboeva, Prezident Administratsiyasining bo‘lim mudiri Jiparisa Risbekova, Prezident qarorlarini tayyorlash bo‘limining bosh eksperti Mederbek Omurbekovga ham hayfsan berilgan.
Avvalroq Qirg‘iziston Milliy xavfsizlik davlat qo‘mitasi xodimlari tomonidan ikki marta mamlakat prezidenti Sadir Japarovga uyushtirilgan suiqasdning oldi olingani xabar berilgandi.
“Ular hatto men o‘tadigan yo‘lni portlatib yuborishga tayyorgarlik ko‘rishgan edi. Maxsus xizmatlar va politsiyaning hushyorligi ularning rejalarini amalga oshirishga imkon bermadi”, degan mamlakat Milliy xavfsizlik davlat qo‘mitasi rahbari Qamchibek Tashiyev.
Izoh (0)