Qashqadaryoning Kitob tumanida ruhiy nosog‘lom erkak ayoli va yoshga to‘lmagan farzandini o‘ldirib, so‘ng o‘z joniga qasd qildi.
Bosh prokuratura matbuot xizmati rahbari Hayot Shamsutdinovning “Daryo”ga ma’lum qilishicha, qotillik 24-noyabr kuni sodir bo‘lgan. Kitob tumanidagi qishloqlarning birida yashovchi 1998-yilda tug‘ilgan erkak shu kuni soat 13:00 larda yashash xonadonida bo‘lgan oshxona pichog‘i bilan 1996-yilda tug‘ilgan turmush o‘rtog‘i hamda 2024-yil yanvarida tug‘ilgan qizini qasddan o‘ldirgan.
Shundan so‘ng, u uyining xo‘jalik binosida o‘zini osib, joniga qasd qilgan.
Holat yuzasidan 24-noyabr kuni Kitob tumani prokurori tomonidan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilgan.
Gumonlanuvchi shaxs (marhum) 2006-yildan buyon viloyat ruhiy asab kasalliklari shifoxonasida ro‘yxatda turgan.
Izoh (0)