O‘zbekiston Superligasi va Pro ligasida o‘ynayotgan futbolchilarning narxlari Transfermarkt portalida yangilandi.
“Nasaf” darvozaboni Abduvohid Neʼmatovning narxi 600 ming yevroga ko‘paydi. Shuningdek, Akmal Mozgovoy (“Nasaf”), Lyupcho Doriyev (“So‘g‘diyona”) va Abdug‘afur Haydarov (“Surxon”)ning narxlari 300 ming yevroga oshdi.
Bundan tashqari, “Dinamo” aʼzosi Joel Kojoning narxi 250 ming yevroga oshgan.
Narxi eng ko‘p kamaygan futbolchilar orasida Sardor Sobirxo‘jayev (“Paxtakor”) va Ibrohim Yo‘ldoshev (“Navbahor”) yetakchi – 200 ming yevrodan.
Shuningdek, Dilshod Saitov (“Paxtakor”), Asadbek Sobirjonov (“Metallurg”) hamda Timur Mamasidiqov (“Lokomotiv”)ning transfer narxlari 150 ming yevroga pasaygan.
Superligada eng qimmat futbolchi – Abduvohid Neʼmatov bo‘ldi. Uning transfer narxi 1,5 mln yevroni tashkil etadi. Akmal Mozgovoy 1,3 mln yevro.
Shunday qilib, endilikda O‘zbekiston Superligasida narxi 1 mln va undan ko‘p bo‘lgan 6 nafar futbolchi mavjud.
Izoh (0)