Albaniya poytaxti Tirana shahrida Islom birdamligi sport assotsiatsiyasi (ISSA)ning navbatdagi sessiyasi bo‘lib o‘tmoqda.
Unda kelasi yil o‘tkazilishi ko‘zda tutilgan Islom birdamligi o‘yinlarining mezbonligi va tashkilotning kelgusidagi faoliyatiga oid masalalar ko‘rib chiqilmoqda. Mazkur tadbirda O‘zbekiston vakillari ham ishtirok etmoqda.
Yig‘ilishda Saudiya Arabistoni poytaxti Ar-Riyod kelasi yil Islom birdamligi o‘yinlariga mezbonlik qilishi rasman tasdiqlandi. Ushbu musobaqa 7—21-noyabr kunlariga belgilangan. Uning dasturidan 13 ta Olimpiya, 4 ta noolimpiya, 3 ta Paralimpiya va 1 ta milliy sport turi o‘rin olgan. Dasturga ko‘ra, bugun, 18-dekabr kuni xalqaro tashkilotning Ijroqo‘m yig‘ilishi va Bosh Assambleyasi o‘tkaziladi.
Ma’lumot uchun, so‘nggi Islom birdamligi o‘yinlari 2022-yil Turkiyaning Konya shahrida o‘tkazilgan bo‘lib, unda O‘zbekiston delegatsiyasi 56 ta davlat orasida 51 ta oltin, 42 ta kumush va 65 ta bronza medallari bilan umumjamoa hisobida mezbonlardan so‘ng ikkinchi o‘rinni egallagan edi.
Izoh (0)