Tashkent City bog‘ida yangi yil tadbirlari o‘tkazilishi munosabati bilan 25-dekabrdan 2025-yil 10-yanvargacha avtomobillar harakati cheklanadi. Bu haqda Toshkent shahar Ichki ishlar bosh boshqarmasi xabar berdi.
Shu munosabat bilan haydovchilardan yondosh ko‘chalardan harakatlanish so‘ralmoqda.
Mazkur bog‘da o‘tkazilayotgan bayram tadbirlariga tashrif buyurish istagida bo‘lgan fuqarolar uchun quyidagi avtoturargohlarga avtomashinalarni qo‘yish tavsiya etildi:
- Islom Karimov ko‘chasi orqali SQB va Asaka banklari yerosti avtoturarhohlariga;
- Furqat ko‘chasi orqali Boulevard turar joy kompleksining yerosti turargohiga;
- Botir Zokirov va Zargar ko‘chalari orqali Tashkent City Mall savdo majmuasining yer osti avtoturargohiga.
Avvalroq Yangi yil munosabati bilan Toshkentning ayrim markaziy ko‘chalarida transport harakati cheklanishi haqida xabar berilgandi. Jumladan, 2024-yilning 10-dekabridan 2025-yilning 15-yanvarigacha quyidagi ko‘chalarda avtotransport vositalari harakati cheklanadi:
- Zarafshon ko‘chasining Hyatt Regency Tashkent mehmonxonasi qo‘riqlash punkti va Matbuotchilar ko‘chalari oralig‘idagi qismi;
- Istiqlol ko‘chasining Amir Temur va Buyuk Turon ko‘chalari oralig‘idagi qismi;
- Buyuk Turon ko‘chasining Istiqlol ko‘chasi kesishmasidan Yoshlar ijod saroyigacha bo‘lgan qismida.
Izoh (0)