FIFA futbol bo‘yicha 2030 va 2034-yilgi Jahon chempionati mezbonlarini rasman eʼlon qildi. Bu haqda 11-dekabr kuni o‘tkazilgan FIFA kongresida maʼlum qilindi.
Unga ko‘ra, JCH-2030 Marokash, Portugaliya va Ispaniyada o‘tkaziladi. Shuningdek, uchta o‘yin Janubiy Amerikada – Urugvay, Paragvay va Argentinada tashkil etiladi.
Shunday qilib, ilk marta futbol bo‘yicha Jahon chempionati uchta qitʼa va olti davlatda o‘tkaziladi.
Chempionatning asosiy o‘yinlari Marokash, Ispaniya va Portugaliyada o‘tkaziladi. Ochilish o‘yini Urugvayda o‘tkaziladi va mezbon mamlakat milliy jamoasi uchrashuvda ishtirok etadi. Argentina va Paragvay milliy jamoalari ham o‘z guruhlaridagi ilk o‘yinlarni o‘z mamlakatlarida o‘tkazadi.
2034-yilgi Jahon chempionatiga esa Saudiya Arabistoni mezbonlik qilishi rasman eʼlon qilindi. Saudiyada o‘tadigan mundial qishda bo‘lib o‘tadi.
Izoh (0)