Ispaniyalik darvozabon Kepa Arrisabalaga Londonning “Arsenal” klubi bilan shartnoma imzoladi. Bu haqda klub matbuot xizmati xabar berdi.
Maʼlum qilinishicha, “kanonirlar” Kepaning “Chelsi” bilan tuzilgan shartnomasidagi 5 mln funt sterling tovon pulini to‘lagan.
Kepa 2018-yilda “Atletik”dan “Chelsi” safiga borib qo‘shilgan edi. U klub bilan YCHL, Yevropa Ligasi, UYEFA Superkubogi hamda klublar o‘rtasidagi Jahon chempionatida g‘alaba qozongan.
Arrisabalaga 2023/24-yilgi mavsumda “Real”, 2024/25-yilgi mavsumda esa “Bornmut” safida faoliyat olib bordi.
Izoh (0)