“Real Madrid” bosh murabbiyi Xabi Alonso yozgi transferlar oynasida “Liverpul” yarim himoyachisi Aleksis Makallisterni jamoaga olib kelmoqchi. Bu haqda Ispaniyaning Fichajes nashri xabar bermoqda.
Manbaga ko‘ra, Alonso argentinalik yarim himoyachini “Real”ning markaziy chizig‘ini kuchaytirishga ideal nomzod sifatida ko‘rmoqda. Shu sababli “qirollik klubi” rahbariyati murabbiyining iltimosiga binoan Makallister transferini amalga oshirish ustida ish olib bormoqda.
Qayd etilishicha, madridliklar 26 yoshli futbolchi uchun 100 million yevroga yaqin taklif tayyorlamoqda. Agar kerakli futbolchilar, xususan, Rodrigo Goes sotilsa, bu summa miqdori oshirilishi ham mumkin.
Aleksis Makallisterning “Liverpul” bilan amaldagi shartnomasi 2028 yil yoziga qadar mo‘ljallangan. U o‘tgan mavsum mersisaydliklar safida 49 uchrashuvda maydonga tushib, 7 ta gol va 6 ta golli uzatmaga mualliflik qilgan. Transfermarkt portali futbolchining bozor qiymatini aynan 100 million yevro deb baholamoqda.
Izoh (0)