Ijtimoiy tarmoqlarda Toshkentda bedarak yo‘qolgan 6 yoshli bola jasadi suv bilan to‘ldirilgan quduqdan topilganligi haqida xabarlar tarqalgan edi. Holat yuzasidan Bosh prokuratura matbuot xizmati munosabat bildirdi.
Aniqlanishicha, xizmat ko‘rsatuvchi korxona ishchilari tomonidan yorilgan issiq suv quvurini taʼmirlash maqsadida kovlangan chuqur ochiq holatda qoldirilgan va uning atrofida xavfsizlik to‘siqlari o‘rnatilmagan. Oqibatda yuqoridagi noxush holat yuz bergan.
Mazkur voqea yuzasidan Jinoyat kodeksining 257-moddasi (Mehnatni muhofaza qilish qoidalarini buzish) bilan jinoyat ishi qo‘zg‘atilgan.
Tergov harakatlari olib borilmoqda.
Izoh (0)