Xonanda Xurshid Rasulov to‘ylarda bo‘lib o‘tgan ko‘ngilsiz holatlar haqida “IntervyuTV” YouTube kanalida eʼlon qilingan suhbatida maʼlum qildi.
Xurshid Rasulovning aytishicha, jamoadagi bir sozanda yigit to‘yga chiqqan vaqtida to‘satdan vafot etib qolgan.
Farg‘onaning Quvasoy tumanidan yaxshi sozanda, oliyjanob Ozodbek degan ukamiz bor edi. Uch yil avval, 32 yoshida Qashqadaryoda to‘ydan chiqqanimizda to‘satdan o‘lib qoldi. Ota-onasiga nima deyman, deb o‘sha yerda qon bosimim oshib ketdi. Keyinroq doktorlar ukamizning “Yuragining mazasi yo‘q ekan” deb aytishgandi, dedi xonanda.
Xonandaning eslashicha, ijodida “eng yomon, eng sharmandali to‘y” ham bo‘lgan.
To‘y bo‘lmagan, desak ham bo‘laveradi. Bir joyga borib, kelinni kutib o‘tirsak, kelavermadi. Keyin bilsak, kelin qochib ketgan ekan. Kuyov shumshayib keldi.
Uy egalari qo‘shiqni aytaylik, odamlar o‘tirsin, shuncha dasturxon yozib qo‘yilgan, deb to‘yni o‘tkazganmiz, dedi Xurshid Rasulov.
Avvalroq Xurshid Rasulov to‘qsoninchi yillarda “ko‘cha” deb atalgan jinoyatchilar guruhi kuchayib, to‘ylardagi artistlardan pul talab qilishganini aytib o‘tgan edi.
Izoh (0)