Klublar o‘rtasidagi jahon chempionati 3-tur doirasidagi bahslar boshlandi. Musobaqaning B guruhidagi so‘nggi ikki uchrashuv — “Atletiko” – “Botafogo” hamda “Sietl Saunders” – “PSJ” jamoalari o‘rtasida bo‘lib o‘tdi. Garchi “Atletiko” ushbu bahsda 1:0 hisobida g‘alaba qozongan bo‘lsa-da, musobaqa bilan xayrlashishga majbur bo‘ldi. Parij klubi esa “Sietl” ustidan ishonchli hisobda zafar quchib, keyingi bosqichga yo‘l oldi.
“Atletiko” – “Botafogo” uchrashuvida muxlislar yagona gol guvohi bo‘lishdi. Uchrashuvning 87-daqiqasida Antuan Grizmann tomonidan kiritilgan gol madridliklarga g‘alaba keltirdi.
“Sietl Saunders” – “PSJ” uchrashuvida esa parijliklar raqib darvozasiga javobsiz ikki gol kiritishdi. Dastlab, Xvicha Kvaratsxeliya 35-daqiqada hisobni ochdi, 66-daqiqada esa Ashraf Hakimi jamoasining ikkinchi goliga mualliflik qildi. Uchrashuv 2:0 hisobida “PSJ” foydasiga yakunlandi.
Ushbu natijalardan so‘ng B guruhidagi uch jamoa — “PSJ”, “Botafogo” va “Atletiko” hisobida 6 ochkodan mavjud edi. Biroq to‘plar nisbatidagi ustunlik evaziga Fransiya va Braziliya klublari chorak final yo‘llanmasini qo‘lga kiritdi. “Atletiko” hamda “Sietl Saunders” jamoalari musobaqa bilan xayrlashdi.
Klublar o‘rtasidagi Jahon chempionati — 3-tur
24-iyun, seshanba
“Atletiko” — “Botafoga” 1:0
Gol: 1:0 — Grizmann (87).
“Sietl Saunders” — “PSJ” 0:2
Gollar: 0:1 — Xvicha (35), 0:2 — Hakimi (66).
Izoh (0)