Toshkent shahar Mirobod tumanida Lacetti betonga urilishi oqibatida ikki kishi halok bo‘ldi. Bu haqda YHXB xabar berdi.
Ma’lum qilinishicha, holat 25-iyul kuni soat 00:30 larda Mirobod tumani Shahrisabz ko‘chasi 38-uy qarshisida sodir bo‘lgan. 2005-yilda tug‘ilgan A.K. Lacetti’ni boshqarib ketayotib, rul boshqaruvini yo‘qotib, yo‘l chetidagi beton ustunga urilgan.
YTH natijasida haydovchi va yo‘lovchi — 2006-yilda tug‘ilgan X.X. olgan tan jarohatlari natijasida vafot etgan. Shuningdek, avtomashina ichida bo‘lgan yana 3 nafar yo‘lovchi:
- 2006-yilda tug‘ilgan A.I.
- 2005-yilda tug‘ilgan Z.I.
- 2005-yilda tug‘ilgan D.K.lar turli darajadagi jarohatlar bilan shifoxonaga yotqizilgan.
Izoh (0)