Yadro tahdidi bilan bog‘liq keskinlik darajasini aks ettiruvchi mashhur Qiyomat soatining millari “Yadroviy yarim tun”ga 85 soniya qolganini ko‘rsatdi. Yangilangan soat taqdimoti 28-yanvar kuni tashkilotning Bulletin of the Atomic Scientists jurnali tomonidan efirga uzatildi.


Ta’kidlanishicha, dunyodagi ramziy yadro halokatiga rekord darajada yaqinlashganini anglatadi.


“Hozirda yarim tungacha atigi 85 soniya qoldi. Bu Qiyomat soati millarining butun tarixi davomida eng yaqin holatidir”, deya ta’kidladi “Atom olimlari byulleteni”ning prezidenti va bosh direktori Aleksandra Bell YouTube’da namoyish etilgan tadbirda.


Olimlar bu qarorni yadroviy davlatlar - Rossiya, Xitoy va AQShning “tajovuzkor xatti-harakatlari”" bilan izohlashgan. Shuningdek, yadro qurolini nazorat qilishning susayishi, Ukraina va Yaqin Sharqdagi mojarolar, hamda sun’iy intellekt bilan bog‘liq xavotirlar ham bunga ta’sir ko‘rsatgan.​

​Qiyomat soati ilk bor 1947-yilda “Atomshunos olimlar byulleteni” (The Bulletin of the Atomic Scientists) jurnali muqovasida paydo bo‘lgan. Yarim tungacha qolgan vaqt xalqaro vaziyatning keskinlik darajasini, yarim tun esa yadro halokati yuz berish lahzasini anglatadi. So‘nggi yillarda millar faqat oldinga surilgan. 2025-yilda olimlar Qiyomat kunining ramziy soatini 1 soniyaga oldinga surdilar, o‘shanda yarim tungacha qolgan vaqt 89 soniyani tashkil etgan - bu esa loyiha tarixidagi eng qisqa vaqt edi.

2023-yil 24-yanvar kuni soat yarim tungacha 90 soniya bo‘lgan vaqtga o‘rnatilgan edi. Oradan bir yil o‘tib, 2024-yil 23-yanvarda millarning ushbu holati o‘zgarishsiz qoldirildi. 2022-yilda “Qiyomat kuni soati” yadroviy mojaroga 100 soniya qolganini ko‘rsatgan. Soat ko‘rsatkichlari har yili o‘zgartiriladi, unda 15 nafar Nobel mukofoti laureati ishtirok etadi. 2018-yil boshidan beri bu vaqt 23:58:00 ni ko‘rsatayotgan edi.
“Atomchi olimlar byulleteni” tashkiloti 1945-yilda tashkil etilgan. Ikkinchi jahon urushi tugagandan so‘ng Chikagodagi atomchi olimlarning maqolalari chop etilgan Amerika jurnali noshirlari ilmiy hamjamiyatga global xavfsizlikni saqlash uchun kurashda birlashishni taklif qilgan.
Tashkilot dunyodagi vaziyatni 1991-yilda — Sovet Ittifoqi Kommunistik partiyasi Markaziy qo‘mitasi bosh kotibi Mixail Gorbachyov va AQSH prezidenti Jorj Bush strategik hujum qurollarini qisqartirish to‘g‘risidagi shartnomani (SNV-1) imzolaganlarida eng barqaror deb baholagan. O‘shanda soat 23:43 ni ko‘rsatgan.
  • Soatni qanday orqaga qaytarish mumkin?


Yer yuzidagi har bir inson yadroviy qurollar, iqlim o‘zgarishi, vayronkor texnologiyalar va dunyo axborot ekotizimining keng tarqalgan korrupsiyasidan global falokat ehtimolini kamaytirishdan manfaatdor. Bu tahdidlar alohida va ularni hech bir xalq yoki yetakchi nazorat ostiga ololmaydi.