Madridning “Real” klubi Yevropa Chempionlar Ligasi 7-turida “Monako”ni yirik 6:1 hisobida mag‘lub etdi. O‘yindan keyin o‘tkazilgan matbuot anjumanida “qirollik klubi” ustozi Alvaro Arbeloa jamoa hujumchisi Vinisius Junior haqida fikr bildirdi.

“Vinisius bizga 100 foiz kerak. U jamoa uchun nihoyatda muhim futbolchi. Men uning o‘yinga to‘liq e’tibor qaratib, maydonda zavq bilan harakat qilishini xohlayman. Men Vinisiusga to‘liq ishonaman. Bugun tribunadagi muxlislar uni qo‘llab-quvvatladi. Vinisius uchun muxlislar mehrini his qilish juda muhim.


‘Santyago Bernabeu’da stadionida bosim ostida o‘ynash oson emas. Agar ‘Bernabeu’ tribunalarini bitta so‘z bilan ta’riflash kerak bo‘lsa, bu — adolat. Bugun muxlislar futbolchilarning mehnatini qadrladi. Biz vaziyatni o‘zgartirishimiz kerak edi va futbolchilar buni juda yaxshi tarzda uddaladi”, deya Arbeloa so‘zlarini keltiradi klub matbuot xizmati.


Ma’lumot uchun, Vinisius Juniorning “Real” bilan shartnomasi 2027-yil iyun oyining oxirigacha amal qiladi. Transfermarkt portali braziliyalik futbolchining bozor qiymatini 150 million yevroga baholamoqda. Hujumchi joriy mavsum “qirollik klubi” safida 30 ta uchrashuvda maydonga tushib, 7 ta gol va 11 ta golli uzatma muallifiga aylangan.