2026-yildagi Jahon chempionati chiptalari sotuvga chiqdi. Unga ko‘ra, eng arzon chipta 60 dollar, eng qimmati esa 6730 dollar bo‘lishi ma’lum qilindi. Bu haqda The Athletic nashri xabar berdi.

Stadiondagi joylashuviga qarab chiptalar to‘rt kategoriyaga bo‘linadi: birinchi kategoriya — eng yaxshi o‘rinlar (asosiy pastki qavat va maydon markaziga yaqin), to‘rtinchi kategoriya esa eng arzon chiptalar (odatda yuqori qavatlar va darvozalar orqasidagi sektorlar).

  • 4-kategoriya: 60 dan 105 dollargacha;
  • 3-kategoriya: 140 dan 215 dollargacha;
  • 2-kategoriya: 310 dan 465 dollargacha;
  • 1-kategoriya: 410 dan 620 dollargacha;

Final uchrashuvi uchun chiptalar narxi quyidagicha bo‘ladi:

  • 4-kategoriya: 2030 dollar;
  • 3-kategoriya: 2790 dollar;
  • 2-kategoriya: 4210 dollar;
  • 1-kategoriya: 6730 dollar;

Shu tariqa, 2026-yildagi jahon chempionati chiptalari 2022 yilda Qatarda bo‘lib o‘tgan chempionatga nisbatan taxminan uch barobar qimmat bo‘ladi. Taqqoslash uchun, 2022-yilgi mundialda 11 dollardan sotilgan. Eng qimmati esa 220 dollarga baholangan edi.

Shuningdek, FIFA 2026-yilgi Jahon chempionatida chiptalar narxini talab va boshqa omillarga qarab o‘zgartirish rejasi borligini ma’lum qildi.

Eslatib o‘tamiz, futbol bo‘yicha Jahon chempionati 2026-yil 11-iyundan 19-iyulgacha AQSH, Kanada va Meksikada o‘tkaziladi. Musobaqa tarixida ilk bor unda 48 ta milliy terma jamoa ishtirok etadi.