Xitoy mamlakat janubi-g‘arbidagi Tibet avtonom hududida joylashgan Yarlung-Sangpo daryosining quyi oqimida gidroenergetika loyihasini qurishga rasman start berdi. Bu haqda XXR Davlat kengashi veb-saytida ma’lum qilindi.
Loyihaga kiritilayotgan investitsiyalarning umumiy hajmi taxminan 1,2 trillion yuan, ya’ni 167,2 milliard AQSH dollariga teng.
Power China qurilish kompaniyasi hisob-kitoblariga ko‘ra, GES yiliga 300 milliard kVt/soat elektr energiyasi ishlab chiqarishi mumkin.
Ta`kidlanishicha, gidroenergetika loyihasini amalga oshirish bilan China Yajiang Group kompaniyasi shug‘ullanmoqda, u qurilish tugallangandan so‘ng obyektdan foydalanish uchun ham mas’ul bo‘ladi.
Qurilish tugallangach, ushbu inshoot ko‘lami bo‘yicha dunyodagi eng katta elektr stansiyasidan Xubey viloyatidagi Yanszi daryosida joylashgan “Sansya” (“Uch dara”) to‘g‘onli gidroelektr stansiyasidan o‘zib ketishi mumkin. “Sansya” GESning loyiha quvvati 22,4 million kilovattni tashkil etadi. GES qurilishi 2008-yil oktyabr oyida yakunlangan.
Yanvar oyida Xitoy Xebey provinsiyasining Chende shahrida joylashgan Fennin gidroakkumulyatsiyalovchi elektr stansiyasi (GAES) ishga tushirgandi.
Izoh (0)