Samsung kompaniyasi Galaxy Unpacked 2025 taqdimotini o‘tkazdi, unda yangi Galaxy Z Fold va Galaxy Z Flip egiluvchan smartfonlari, shuningdek, yangi Galaxy Watch smart soatlari namoyish etildi.
Galaxy Z Fold7 Snapdragon 8 Elite’da 12 yoki 16 GB tezkor xotira va 256, 512 GB yoki 1 TB xotira konfiguratsiyalarida ishlaydi. Yangiliklardan — Wi-Fi 7 va Bluetooth 5.4 ni qo‘llab-quvvatlaydi.
Qurilma Android 16 da One UI 8 boshqaruvida ishlaydi. Samsung 7 yillik OS yangilanishlari va 7 yillik xavfsizlik tuzatmalarini va’da qilmoqda.
Smartfonning og‘irligi atigi 215 grammni tashkil etadi, bu Galaxy S25 Ultra’dan kichikroq va o‘tgan yilgi Fold6’dan 24 grammga yengilroq. Qurilma ham yupqaroq — yig‘ilgan holatda 8,9 mm va yoyilganda atigi 4,2 mmni tashkil etadi.
Asosiy ichki ekran endi 8 dyum, tashqi ekran esa 6,5 dyum diagonalga ega. Ikkala displey ham Dynamic AMOLED 2X bo‘lib, 120 Gts gacha yangilanish chastotasi va 2600 nitgacha yorqinlikni qo‘llab-quvvatlaydi. Tashqi ekran Gorilla Glass Ceramic 2 shishasi bilan qoplangan, ichkarida Samsung yangi avlod Ultra-Thin Glass’dan foydalanilgan, u 50 foizga qalinlashgan. Displey ostidagi kamera olib tashlandi — endi 10 Mp kamerali oddiy “teshik” mavjud. S Pen stilusini qo‘llab-quvvatlash ham olib tashlandi.
Qurilma chang va suvdan IP48 himoyasiga ega. Orqa panel Gorilla Glass Victus 2 shishasi bilan qoplangan.
Asosiy yangilanish — bu smartfonning yangi kamerasi. Asosiy surat — 200 Mp ISOCELL HP2, u allaqachon Galaxy S25 Ultra’da qo‘llanilmoqda. Unga 3 marta kattalashtirish imkoniyatiga ega 10 Mp li teleobyektiv va 12 Mp li o‘ta keng burchakli kamera qo‘shiladi.
Akkumulyator 25 Vt simli zaryadlash, 15 Vt simsiz zaryadlash va 4,5 Vt teskari simsiz zaryadlashni qo‘llab-quvvatlash bilan 4 400 mA/soat darajasida qoldi.
Galaxy Z Fold7 kumushrang-moviy, to‘q qora va kumushrang-kulrang ranglarda taqdim etiladi. 12/256 GB asosiy versiyasi 2 100 yevro, 16 GB/1 TB yuqori xotira esa 2 520 yevro turadi.
Joriy yilda birinchi marta Galaxy Z Flip7 asosiy modeliga yanada arzonroq versiya — Galaxy Z Flip7 FE qo‘shildi. Ikkala qurilma ham One UI 8 maxsus qobig‘i bilan Android 16 asosida ishlaydi.
Galaxy Z Flip7 yanada yupqaroq korpus va kattalashtirilgan akkumulyatorga ega bo‘ldi — 4 300 mA/soat. Yig‘ilgan holatda uning qalinligi 13,7 mm (unda avvalgisi 14,9 mm), og‘irligi esa deyarli o‘zgarishsiz qoldi — 188 g.
Tashqi ekran kattalashdi: endi bu 4,1 dyumli Super AMOLED paneli bo‘lib, 1048×948 piksel va 120 Gs yangilanish chastotasiga ega. Vision Booster tufayli yorqinlik 2 600 nitsga yetadi, Google Gemini AI va Now Bar paneli endi to‘g‘ridan-to‘g‘ri tashqi ekranda mavjud.
Asosiy displey 6,9 dyuymgacha kattalashdi va o‘lchamlari bo‘yicha Galaxy S25+ ekranidan deyarli farq qilmaydi. Qurilma IP48 himoyasiga ega va Gorilla Glass Victus 2 shishasi bilan qoplangan.
Yangi Galaxy Z Flip bu avlodda Snapdragon protsessorli versiyasini olmaydi, qurilmada yangi 3 nm Exynos 2500 ishlatilgan. Unga 12 Gb tezkor xotira va 256 yoki 512 Gb xotira qo‘shiladi. Kichikroq to‘plagichli versiya 1 200 yevroga, kattasi esa 1 320 yevroga baholandi. Qurilma uchta rangda mavjud — kumush-havorang, to‘q qora va qizil marjon.
Galaxy Z Flip7 FE yanada arzonroq variantga aylandi va aslida o‘tgan yilgi Flip6 ning yangilangan versiyasidir. Qurilma Exynos 2400 chipi (Galaxy S24’dagi kabi), 8 Gb tezkor xotira va 128/256 Gb xotira bilan jihozlangan. Uning korpusi Flip6 bilan bir xil o‘lcham va og‘irlikka ega — yig‘ilgan holatda 14,9 mm va og‘irligi 187 g. Akkumulyator—- 4000 mA/s.
Displeylar o‘zgarishsiz qoldi: 3,4 dyumli tashqi va 6,7 dyumli ichki. IP48 himoyasi, Victus 2 shishasi, Armor Aluminum korpusi. Kameralar Flip7 bilan bir xil, lekin HDR video qo‘llab-quvvatlanmaydi.
Flip7 FE asosiy modeli 1000 yevro turadi va 8/128 GB xotiraga ega. 256 GB xotirali versiyasi ham 1 060 yevro evaziga mavjud. FE modeli faqat qora va oq ranglarda mavjud.
Smart soatlarning yangi avlodi Galaxy Watch8 va Galaxy Watch8 Classic’dan iborat. Bu yil yangi Ultra versiyasi yo‘q — faqat mavjud model uchun rangni yangilash va xotirani ko‘paytirish.
Ikkala yangilik ham 2 Gb tezkor xotiraga hamda 3 nm Exynos W1000 chipi bilan jihozlangan. Galaxy Watch8 32 GB ichki xotiraga, Watch8 Classic esa Watch Ultra flagman versiyasi kabi 64 GB xotiraga ega.
Galaxy Watch8 Samsung’ning eng ingichka aqlli soatiga aylandi: uning qalinligi atigi 8,6 mm, bu Watch7’ga nisbatan 11 foizga kam. Soat ikki xil o‘lchamda — 40 va 44 millimetrli. Ular mos ravishda 1,34 va 1,47 dyumli dumaloq displeylarga ega bo‘lib, 50 foizga yorqinroq — 3000 nitgacha bo‘lgan, bu esa to‘g‘ridan-to‘g‘ri quyosh nurlari ostida ham ajoyib ko‘rinishni ta’minlaydi.
Ikkala o‘lchamdagi akkumulyatorlar ham kattaroq bo‘ldi — 325 va 435 mA/soat, shu bilan birga tezkor simsiz zaryadlash qo‘llab-quvvatlanadi.
Soat Wear OS 6 asosida yaratilgan One UI 8 Watch’ning yangilangan versiyasida ishlaydi, u takomillashtirilgan bildirishnomalar tizimi, menyu tepasida tez-tez ishlatiladigan ilovalarni mahkamlash va yangi ma’lumotli vidjetlarni o‘z ichiga oladi.
Bundan tashqari, sevimli ilovalarga darhol kirish uchun yangi Tezkor tugma qo‘shildi. Klassik faqat bitta o‘lchamda — 46 mm ishlab chiqariladi.
U avvalgisidan 0,3 mm yupqaroq, shuningdek, kattaroq akkumulyatorga ega — 425 mA/soat. Shu bilan birga, displey nisbatan kichikroq bo‘lib qoldi — 1,34 dyum, bu Watch8 ning kichikroq versiyasi bilan bir xil.
Yangilangan Bioactive sensori yurak urishi, qondagi kislorod darajasi, stress, ayniqsa harakat paytida kabi biometrik ko‘rsatkichlarni aniqroq kuzatishi kerak. One UI 8 Watch tizimining yangi funksiyalari uyqu tahlili, qon bosimi indeksi, antioksidant indeksi va shaxsiy yugurish murabbiyini o‘z ichiga oladi. Ochiq havoda sport bilan shug‘ullanish uchun aniqroq ikki chastotali GPS ishlatiladi.
Kichikroq Galaxy Watch8 esa 379 yevro turadi. 44 mm versiyasi biroz qimmatroq — 409 yevro, Watch8 Classic esa 529 yevro turadi. Modellarning har biri 4G mobil internetni qo‘llab-quvvatlaydigan versiya uchun 50 yevroga qimmatroq bo‘ladi, standart ravishda faqat Bluetooth mavjud.
Barcha qurilmalar uchun oldindan buyurtmalar allaqachon ochilgan va rasmiy sotuvlar 25-iyuldan boshlanadi. Shuningdek, foydalanuvchilar smartfonlar bilan birga Google AI Pro’ga yarim yil bepul obuna bo‘lishadi.
Izoh (0)