10-iyun kuni O‘zbekiston-Qatar futbol uchrashuvi va Prezidentimiz ishtirokidagi taqdirlash marosimini 25 mingdan oshiq yoshlar, futbol muxlislari Toshkent markazidagi harakat shaharchasida jonli efirda tomosha qildi.
Shuningdek, maydonda yig‘ilganlar hali O‘zbekistonda hech qachon bo‘lmagan "Salom, Mundial!" supershousidan bahra oldi! Shou dastur Zo‘r TV orqali jonli efirda namoyish qilindi.
Mashhur “Ovoz” (The Voice) televizion loyihasining eng ko‘zga ko‘ringan ishtirokchilari ijrosidagi futbol va g‘alabaga bag‘ishlangan xitlar bilan ochib berilgan supershou di-djey, lazer shoular, performenslar hamda Munisa Rizayeva, Shoxrux, DJ Piligrim tomonidan taqdim etilgan nostalgik konsertga ulandi.
Toshkent shahar hokimligi tashabbusi ostida O‘zbekiston futbol assotsiatsiyasi va Zo‘r TV bilan hamkorlikda tashkil qilingan tadbirni Kapitalbank, Uzum va Ucell kompaniyalari qo‘llab-quvvatladi.
Loyiha Uzbekistan: Land of Talents global promoushn kampaniyasi tashabbuschilaridan bo‘lgan Uzbekistan's Club kreativ jamoasi tomonidan amalga oshirilmoqda.
Izoh (0)