O‘zbekistonda 15–49 yoshli ayollar soni 9,4 milliondan oshdi. Bu haqda Statistika qo‘mitasi xabar berdi.
Milliy statistika qo‘mitasi ma’lumotlariga ko‘ra, 2025-yil 1-yanvar holatiga ko‘ra, O‘zbekistonda 15–49 yosh toifasiga mansub ayollar soni 9 million 424 ming nafarni tashkil etdi.
Ta’kidlanishicha, bu ko‘rsatkich yillar davomida barqaror o‘sishni namoyon etmoqda. Quyida mazkur toifadagi ayollar sonining yillar bo‘yicha dinamikasini ko‘rish mumkin:
- 1991 yil — 4 821,2 ming kishi;
- 1995 yil — 5 418,5 ming kishi;
- 2000 yil — 6 289 ming kishi;
- 2005 yil — 7 172,2 ming kishi;
- 2010 yil — 7 945,4 ming kishi;
- 2015 yil — 8 649,3 ming kishi;
- 2020 yil — 8 982,3 ming kishi;
- 2025 yil — 9 424 ming kishi.
Demografik dinamika mamlakatda aholi tarkibi va ijtimoiy siyosat yuzasidan muhim ma’lumotlardan biri hisoblanadi. Ayniqsa, reproduktiv yoshdagi ayollar sonining ortishi sog‘liqni saqlash, ta’lim va mehnat bozorida strategik rejalashtirish uchun muhim asos hisoblanadi.
O‘zbekistonda ayollar oliy ta’limda erkaklarni ortda qoldirmoqda
O‘zbekistonda oliy ta’lim bilan qamrab olingan 18–23 yoshdagi ayollar ulushi oshgani ma’lum bo‘ldi.
2024/25-o‘quv yili boshida O‘zbekistonda 18–23 yoshdagi aholining oliy ta’lim bilan qamrab olinishi 47,7 foizni tashkil etdi. 2024-yil holatiga ko‘ra, 18–23 yoshdagi ayollar orasida oliy ta’lim bilan qamrab olinganlar soni 52,4 foizni tashkil qilgan. Solishtirish uchun, bu ko‘rsatkich 2014-yilda bor-yo‘g‘i 5,2 foiz edi.
Shuningdek, 18–23 yoshdagi erkaklar orasida bu raqam 2023-yildagi 43,7 foizdan 2024 yilda 43,5 foizga biroz pasaygan.
O‘zbekistonda jami talabalarning 782 mingini xotin-qizlar tashkil qilishi haqida xabar berilgandi.
1-aprel holatiga O‘zbekistonda doimiy yashovchi aholi soni 37,7 mln kishini tashkil etgan. Bu ko‘rsatkich, 2024-yilning mos davriga nisbatan 2 foizga ko‘paygan.
Shundan:
- Ayollar soni — 18 714,9 ming kishi;
- Erkaklar soni — 18 982,9 ming kishi;
- Shahar joylarda — 19 216,4 ming kishi;
- Qishloq joylarda — 18 481,4 ming kishi.
O‘zbekistonda 2025-yilda necha kishi vafot etishi mumkinligi prognoz qilingan edi. O‘zbekistonda o‘limlar soni 2025-yilda 223,9 ming kishini tashkil etishi taxmin qilinmoqda. Statistika agentligi ma’lumotlariga ko‘ra, O‘zbekistonda o‘rtacha umr ko‘rish davomiyligi 74,3 yoshni tashkil etadi. Mamlakatda o‘lim holatlarining yarmidan ko‘pi qon aylanish tizimi kasalliklari sabab yuz bermoqda.
Izoh (0)