Katta tennis eng chiroyli sport turlaridan biri hisoblanadi va bu bejiz emas, chunki tennischilar buning eng yorqin tasdig‘idir. Bu tennischi qizlar kasbdoshlarining orasida eng chiroyli va kelishgan qaddi-qomatga ega.
Tennisni umuman tushunmasangiz ham, har kuni mashg‘ulotlarda bor kuchini sarflaydigan va o‘zini nazorat qiladigan ayollarning tashqi ko‘rinishiga eʼtibor bering. Bu butun dunyoga mashhur bo‘lgan ajoyib qomatli eng go‘zal tennischilarning top-10 ligidir.
Daniel Kollinz, AQSH
Daniel Kollinz 31 yoshda, u AQSH terma jamoasi tarkibida beshta WTA turnirida va Federatsiya kubogida g‘alaba qozongan. Daniel tennisdan bo‘sh vaqtlarida, uning ijtimoiy tarmoqlariga ko‘ra, shohona hayot kechiradi va moda namoyishlariga boradi, reklama loyihalarida suratga tushadi hamda ko‘p sayohat qiladi.
Magda Linett, Polsha
Magda tennisga tasodifan kirib qolmagan, uning otasi bu sport turi bo‘yicha murabbiy. Magda 33 yoshda va u allaqachon to‘rtta WTA turnirida g‘olib chiqqan (ulardan ikkitasi yakkalik bahslarida). Sportdan tashqari, u go‘zallik va moda sohasiga qiziqadi va ko‘plab brendlarning yuziga aylangan.
Emma Navarro, AQSH
Emma Navarro Nyu Yorkda tug‘ilgan, ammo kelib chiqishi italyan millatiga mansub. Sportchi 24 yoshda va u allaqachon sport olamida tanilgan, hatto WTA turnirining yakkalik bahslarida g‘olib chiqqan. Uning tennisdagi debyuti 15 yoshida otasi, yirik tadbirkor Ben Navarroga tegishli bo‘lgan Charleston Live To Play Tennis Club turnirlarida bo‘lib o‘tgan.
Mirra Andreeva, Rossiya
Mirra Andreeva — 18 yoshda. Yosh bo‘lishiga qaramay, qizning ko‘plab unvon va mukofotlari bor hamda o‘tgan yili u ITF o‘smirlar reytingida dunyoning birinchi raqamli tennischisiga aylandi. Mirra Krasnoyarskda tug‘ilgan, ammo keyin oilasi bilan Moskvaga, so‘ng esa Kannga ko‘chib o‘tgan. Uning katta singlisi Erika Andreeva ham professional tennischi.
Keti Boulter, Buyuk Britaniya
27 yoshli Keti Boulter besh yoshidan tennis o‘ynashni boshlagan va sakkiz yoshidanoq turli musobaqalarda Buyuk Britaniya sharafini himoya qilgan. Bugungi kunda uning ro‘yxatida ko‘plab sovrinlar, jumladan, uchta WTA turnirining yakkalik bahslaridagi g‘alabalar bor. Bundan tashqari, qiz tez-tez mashhur jurnallarning qahramoniga aylanadi, jumladan 2018-yilda uning suratlari Vogue jurnalida joylashtirilgan.
Donna Vekich, Xorvatiya
28 yoshli Donna Vekich to‘rtta WTA turnirining yakkalik bahslarida g‘olib chiqqan va 2023-yilda Avstraliya ochiq chempionatida eng yaxshi natijani qayd etgan. Donna sportchilar oilasida tug‘ilgan: uning otasi sobiq professional futbol darvozaboni, onasi esa to‘siqlar osha yugurish bilan shug‘ullangan. Bo‘sh vaqtlarida Donna shohona tadbirlarda qatnashadi va sayohat qiladi.
Ayla Tomlyanovich, Avstraliya
32 yoshli Ayla Tomlyanovich 2014-yilgacha Xorvatiya terma jamoasida o‘ynagan, ammo keyin Avstraliya fuqaroligini olgan. U 2008-yilda Avstraliya ochiq chempionatida qizlar o‘rtasidagi juftlik bahslarida g‘alaba qozonganidan keyin tanila boshlagan. Ayla, shuningdek, o‘smirlar reytingida dunyoning sobiq to‘rtinchi raketkasi sifatida ham tanilgan. Sportdan tashqari qiz do‘stlari, oilasi va itlari bilan vaqt o‘tkazadi.
Oliviya Gadeki, Avstraliya
Reytingimizdagi yana bir avstraliyalik tennischi Oliviya Gadeki. Qiz 23 yoshda, kelib chiqishi polshalik. So‘nggi uch yil ichida Oliviya o‘zini yaxshi ko‘rsatdi: yakkalik bahslarida uchta ITF turniri va juftlik bahslarida o‘nta ITF turniri g‘olibi bo‘ldi. Shundan so‘ng, ijtimoiy tarmoqlardan ko‘rinib turibdiki, u tez-tez dunyoviy moda tadbirlariga taklif qilina boshlagan.
Mariya Sakkari, Gretsiya
29 yoshli Mariya Sakkari faxrlansa arziydigan g‘alabalarga erishib ulgurgan: u “Katta dubulg‘a” turkumiga kiruvchi turnirning yakkalik bahslarida chorak final va yarim finalga qadar yetib borgan yunonistonlik ilk tennischi hisoblanadi. Aytgancha, Mariyaning o‘rnak oladigan odamlari bor: uning onasi Anjelika Kanellopulu ham tennischi bo‘lib, u 1987-yilda esa WTA yakkalik reytingining eng yaxshi 50 taligiga kirgan. To‘g‘ri, o‘sha paytda ijtimoiy tarmoqlar yo‘q edi, shuning uchun u qizi kabi mashhur bo‘lolmadi.
Danka Kovinich, Chernogoriya
30 yoshli Danka Kovinich 2011-yilda Chernogoriyaning eng yaxshi yosh sportchisi va 2016-yilda Chernogoriyaning eng yaxshi ayol tennischisi deb topildi. Shuningdek, uning karyerasida bitta WTA juftlik turnirida qozonilgan g‘alaba bor. Ijtimoiy tarmoqlardagi suratlarga ko‘ra, Danka tennisdan tashqari, modani ham yaxshi ko‘radi: u tez-tez liftda o‘z tasvirlarini joylashtiradi va feshn-shoularga boradi.
Izoh (0)