Berlin shahrida rasmiy tashrif bilan bo‘lib turgan O‘zbekiston delegatsiyasi O‘zbekistonning Germaniyadagi elchixonasi tashabbusi bilan tashkil etilgan “Ayollarning jamiyatdagi roli: O‘zbekiston-Germaniya tadbirkor ayollari anjumani”da ishtirok etdi.
So‘nggi yillarda O‘zbekistonda ayol tadbirkorlarni qo‘llab-quvvatlashga alohida eʼtibor qaratilmoqda. Ular uchun , imtiyozli kreditlar va maxsus o‘quv dasturlari, bir so‘z bilan aytganda, keng imkoniyatlar yaratilgan. Mazkur anjumanda O‘zbekistonning Germaniyadagi elchisi Dilshod Axatov, Prezidenti Adminstratsiyasining Tashqi aloqalar departamenti Tashqi siyosat va tashqi iqtisodiy hamkorlikni kengaytirishni axborot-tahliliy taʼminlash boshqarmasi boshlig‘i Nozima Davletova, “Mikrokreditbank” ATB Boshqaruv raisi o‘rinbosari Shahlo Ibragimova qatnashdi.
Shu bilan birga, “Hamroh” xotin-qizlar tadbirkorligini qo‘llab-quvvatlash kompaniyasi rahbari Dilfuza Nurmatova, Berlin federal o‘lkasi Ichki ishlar va sport senatori Iris Shpranger, “Sparkassenstiftung for International Cooperation” tashkilotining Yevropa va Markaziy Osiyo bo‘yicha direktori Matias Fos, ikki mamlakatning faol tadbirkor ayollari hamda Germaniyada istiqomat qilayotgan vatandoshlar ham ishtirok etdi.
Anjumanda quyidagi mavzularda qizg‘in muhokamalar olib borildi:
- “Sparkassenstiftung for International Cooperation” tashkilotining O‘zbekistondagi faoliyati va loyihalari;
- O‘zbek xotin-qizlarining tadbirkorlik tashabbuslarini moliyaviy qo‘llab-quvvatlash;
- Ayollarga ko‘mak va maslahat berish tizimlari;
- “SES” tashkilotining ayol tadbirkorlarni qo‘llab-quvvatlashdagi roli;
- Madaniyat va iqtisodiyot orqali ayollar faolligini oshirish;
- Ayol olimalarning xalqaro hamkorlikdagi ishtiroki;
- O‘zbekistonlik hunarmandlar mahsulotlarini Germaniya bozoriga chiqarish yo‘llari.
Anjumanda Mikrokreditbank mijozi bo‘lgan tadbirkor ayollarning chiqishlari alohida eʼtirof etildi. Ikki mamlakat tadbirkor ayollari o‘rtasida o‘zaro hamkorlikni yangi bosqichga olib chiqish, tajriba almashish va yangi qo‘shma loyihalarni amalga oshirish borasida kelishuvlarga erishildi.
Tadbir yakunida Mikrokreditbank, “Sparkassenstiftung for International Cooperation” hamda “Hamroh” kompaniyasi o‘rtasida hamkorlik memorandumi imzolandi.
Shuningdek, ikki davlat tadbirkorlarining o‘zaro sayohatlarini tashkil etish, onlayn forumlar va mahsulotlar almashinuvi kabi qo‘shma dasturlarni amalga oshirishga kelishib olindi.
Reklama huquqi asosida
Izoh (0)