Meksikaning Gvadalaxara shahrida professional boks oqshomi tashkil etildi. Unda o‘zbekistonlik bokschi Murodjon Ahmadaliyev mezbon Luis Kastilyoga qarshi ringga ko‘tarildi.
Murodjon Ahmadaliyev 10 raundga mo‘ljallangan jangning 8-raundida g‘alaba qozondi. Ketma-ket zarbalar seriyasidan so‘ng raqib faol qarshilik ko‘rsata olmadi va hakam jangni to‘xtatib, texnik nokaut qayd etdi.
Endi Ahmadaliyev navbatdagi jangini sentyabr oyida yaponiyalik Naoya Inouega qarshi o‘tkazadi.
Shuningdek, AQSHning Las-Vegas shahrida professional boks oqshomi bo‘lib o‘tdi. Unda o‘zbekistonlik bokschi Bektemir Meliqo‘ziyev WBA Eliminator kamari uchun amerikalik Daryus Fulgxemga qarshi ringga ko‘tarildi.
12 raundlik jang to‘liq davom etdi va unda Bektemir Meliqo‘ziyev hakamlarning bir ovozdan bergan 114-112 hisobidagi ochkolari evaziga g‘alaba qozondi.
Ushbu g‘alabadan so‘ng o‘zbekistonlik bokschi WBA kamari uchun da‘vogarga aylandi.
Izoh (0)