Eron rasmiylari Isroil foydasiga josuslik qilishda ayblangan Pedram Madenining o‘lim jazosi ijro etilganini e’lon qildi. Bu haqda Anadolu xabar berdi.
Tergovga ko‘ra, Madeni “Mossad foydasiga josuslik”, “maxfiy ma’lumotlarni xavfsiz aloqa kanali orqali isroillik agentga yetkazish”, shuningdek, Bryusseldagi Isroil elchixonasiga tashrif buyurish va “josuslik faoliyatlari doirasida” Isroilga safar qilishda aybdor deb topilgan.
Oliy sud hukmni tasdiqlagach, o‘lim jazosi ijro etilgan. Madeni taxminan olti yil avval hibsga olingan edi. Eron Islomiy inqilobiy sudi uni “yer yuzida buzuqlik tarqatish” aybi bilan o‘lim jazosiga hukm qilgan.
Izoh (0)