Hindistonning bortida 227 nafar yo‘lovchisi bo‘lgan Airbus samolyoti halokatdan zo‘rg‘a qutulib qoldi. Bu haqda Bild xabar berdi.
Samolyot IndiGo aviakompaniyasiga tegishli bo‘lib, 21-may kuni Dehlidan Srinagar shahriga reysni amalga oshirayotgan bo‘lgan. Airbus A321 samolyoti taxminan 11 kilometr balandlikda kuchli bo‘ronga duch kelgan. Hodisa vaqtida samolyot bortida 227 kishi bo‘lgan.
Hindiston ommaviy axborot vositalari yozishicha, yo‘lovchilar hodisani “deyarli o‘lim yoqasidagi tajriba” deb ta’riflagan. Odamlar baqirgan, ibodat qilgan, uchuvchilar esa favqulodda vaziyatni e’lon qilishga majbur bo‘lgan.
Shikastlanishga qaramay, ekipaj samolyotni Srinagarga eson-omon qo‘ndirishga muvaffaq bo‘lgan. Natijada yo‘lovchilardan hech biri jabrlanmagan. Shu bilan birga, bo‘ron laynerning meteorologik uskunalar joylashgan burun qismini deyarli vayron qilgan. Shikastlanishlar jiddiy bo‘lgani sababli samolyot foydalanishdan chiqarib yuborilgan.
IndiGo aviakompaniyasi hodisani tasdiqlagan. Hindiston fuqaro aviatsiyasi boshqarmasi ob-havo sharoiti o‘z vaqtida hisobga olingani va barcha xavfsizlik protokollariga rioya qilinganini aniqlash uchun tekshiruv boshlagan.
Izoh (0)