Moskva aeroportlarida o‘nlab uchish va qo‘nish reyslari kechiktirilmoqda. Kechikishlar dron hujumlarini qaytarish fonida yuz berdi. Bu haqda rus OAV xabar bermoqda.
Ma’lumotlarga ko‘ra, Sheremetevodan 15 ta reys kechiktirilgan, yettitasi bekor qilingan, Domodedovodan oltita bekor qilingan, Vnukovodan 12 ta reys kechiktirilgan, Jukovskiydan bitta reys bekor qilingan, ikkitasi kechiktirilgan. Shuningdek, Sheremetevoga kelishda 72 ta reys kechiktirilgan, to‘rttasi bekor qilingan, Domodedovoga esa 71 ta kechiktirilib, uchtasi bekor qilingan, Vnukovoga 26 ta kechiktirilgan, uchtasi bekor qilingan, Jukovskiyga to‘rtta kechiktirilgan, ikkitasi bekor qilingan.
Rossiya Mudofaa vazirligi ma’lumotlariga ko‘ra, tun davomida Moskva yaqinida 35 ta uchuvchisiz uchish apparati urib tushirilgan. Ertalabdan boshlab Domodedovo yana reyslarni qabul qilish va jo‘natishga cheklovlar kiritdi. Moskva meri Sergey Sobyanin beshta dron urib tushirilganini ma’lum qildi.
Izoh (0)