“Astin Villa” va Argentina terma jamoasi darvozaboni Emiliano Martinesga Yevropaning ikki grand klubi — “Manchester Yunayted” hamda “Barselona” qiziqish bildirmoqda. Bu haqda DSports nashri xabar berdi.
Ma’lumotlarga ko‘ra, “qizil iblislar” va “ko‘k-anorranglilar” futbolchi bo‘yicha allaqachon taklif jo‘natgan va “Villa” tomondan rasmiy javob kutmoqda.
Martines 2020-yildan beri “Aston Villa” safida to‘p suradi. Uning klub bilan amaldagi shartnomasi 2029-yil yozigacha mo‘ljallangan. Martinesning qiymati hozirda 25 million yevro atrofida baholanmoqda.
Joriy mavsum Emiliano klub safida 36 uchrashuvda maydonga tushib, ulardan 8 tasida darvozasi daxlsizligini saqlab qolgan. U umumiy hisobda 95 marta seyv amalga oshirgan bo‘lib, o‘rtacha har 70 daqiqada bir gol o‘tkazib yuborgan. Shuningdek, Martines bir marta penaltini qaytarishni ham uddalagan.
Eslatib o‘tamiz, Emiliano Martines 2022-yilda Argentina terma jamoasi bilan jahon chempioni bo‘lgan.
Izoh (0)