O‘zbekiston merganlari “Eng ilg‘or merganlar jamoasi” V xalqaro musobaqasida 1-o‘rinni qo‘lga kiritdi va oltin medalga sazovor bo‘ldi. Bu haqda Mudofaa vazirligi matbuot xizmati xabar berdi.
-xLAjIsy1.avif)
Turkiyaning Isparta shahridagi “Komando” tog‘-o‘quv mashqlar markazida 5—16-may kunlari bo‘lib o‘tgan musobaqada O‘zbekiston, Turkiya, Pokiston, Qatar, Ozаrbayjon, Italiya, BAA, Kuvayt kabi 15 ta davlatdan 48 jamoa ishtirok etdi.
Musobaqa ishtirokchilari guruhlarga bo‘linib, bir-biridan murakkab 15 ga yaqin shart bo‘yicha bahs olib bordi. Xususan, harbiy jamoalar “Yuqori burchak ostida o‘q otish”, “Gazniqob taqib, jangovar o‘q otish”, Noaniq masofalarga noqulay istehkomdan o‘q otish”, Turli to‘siqlar ortidan o‘q otish”, Havodagi vertolyotdan o‘q otish”, Orolni himoya qilish va qayiqdan jangovar o‘q otish”, “Nishonga sezdirmay yaqinlashib o‘q otish”, “5 km masofadan yuk va qurol bilan yugurib kelib, sovuq stvoldan o‘q otish”, “Tunda noma’lum masofalarga o‘q otish” va “Syurpriz” shartlarini bajardi.
-leE1umqr.avif)
O‘zbekiston Mudofaa vazirligi harbiy xizmatchilari faxrli 1-o‘rinni qo‘lga kiritdi va oltin medalga sazovor bo‘ldi.
Turkiyada o‘tkaziladigan mazkur musobaqada O‘zbekiston Mudofaa vazirligi jamoasi 4-marotaba ishtirok etdi va 2022—2023-yillarda 2-o‘rinni hamda 2024—2025-yillarda 1-o‘rinni egallagan.
2025-yilning mart oyida Mudofaa vazirligi harbiy xizmatchilari AQSHda bo‘lib o‘tgan “Eng ilg‘or jangchi-2025” musobaqasida rekord natijalar bilan g‘olib bo‘lgandi.
Izoh (0)