Forbes har yili o‘tkaziladigan “30 dan 30 gacha” reytingining uzun ro‘yxatini eʼlon qildi: bu 30 yoshgacha bo‘lgan turli sohalarda muvaffaqiyatga erishgan 100 kishidan iborat isteʼdodli bolalar, o‘spirinlar va kattalar ro‘yxatidir.
Reytingning eng yosh ishtirokchisi bloger Yeva Karpikau bo‘ldi, u “Yangi media” toifasiga kirdi. Yeva to‘rt yoshda, ammo uning ishtirokidagi videolar allaqachon millionlab ko‘rishlarni to‘plamoqda. Qizning ota-onasi tomonidan eʼlon qilingan videolarda u qo‘shiq aytadi, raqsga tushadi, turli xil chellenjlarda ishtirok etadi va jiddiy mavzularda bahs yuritadi.
Reytingning uzun ro‘yxatiga, shuningdek, virusga aylangan “Sigma boy” qo‘shig‘ini ijro etgan 12 yoshli Svetlana Chertishcheva (Betsy) va Mariya Yankovskaya ham kiritilgan. Yanvar oyida rossiyalik maktab o‘quvchilarining treki Billboard chartida yettinchi o‘rinni egalladi va Universal, Warner va xorijiy artistlar 12 yoshli Betsy’ga hamkorlikni taklif qilishdi.
Forbes ro‘yxatiga aktyor Mark Eydelshteyn, reper Big Baby Tape (Yegor Rakitin), shaxmatchi Volodar Murzin va boshqalar ham kiritilgan.
“30 dan 30 gacha” reytingining nomzodlar ro‘yxati Forbes’ning iyul sonida eʼlon qilinadi. Har bir toifaga uch nafardan laureat tanlanadi.
Izoh (0)