Tayvan o‘zining so‘nggi yadroviy reaktorini yopishga tayyorgarlik ko‘rmoqda. Mamlakatning elektr energiyasiga bo‘lgan ehtiyoji 2030-yilga borib 12-13 foizga oshishi aytilgan. Sun’iy intellektning keng rivojlanishi bunga sabab qilinmoqda. Bu haqda Al Jazeera xabar berdi.
Iqtisodiyot vazirligining xabar berishicha, dunyodagi eng yirik va eng qimmat yarimo‘tkazgich kompaniyasi — Taiwan Semiconductor 2030-yilga kelib Tayvanning taxminan 23 million aholisining to‘rtdan bir qismi ishlatadigan elektr energiyasini iste’mol qiladi.
Energiyaga bo‘lgan talabning kuchayib borishi Taypeyning 2050-yilga borib atmosferaga chiqindi chiqarishni nolga tushirish rejasini yo‘qqa chiqaradi. Bu esa qayta tiklanadigan energiya ishlab chiqarishni hozirgi 12 foizdan taxminan 60-70 foizga oshishiga olib keladi. Ta’kidlanishicha, energiya manbai Tayvan uchun raqobatdosh sanoat va atrof-muhit borasidagi maqsadlarga erishishning eng maqbul usulidir.
13-may kuni Tayvan qonun chiqaruvchi organi atom elektr stansiyalariga amaldagi 40 yillik cheklovdan tashqari faoliyatni davom ettirish uchun litsenziya olishga ruxsat bergan edi. Qonun loyihasini muxolifatdagi Gomindan va Tayvan xalq partiyasi qabul qildi. 2016-yilda amaldagi hokimiyatga kelgan Demokratik progressiv partiyaning maqsadi esa “yadrosiz yurt” yaratish hisoblanadi. Bu huquqiy o‘zgarish 18-may kuni Maanshan atom elektr stansiyasidagi so‘nggi ishlayotgan reaktorning yopilishiga to‘siq bo‘la olmaydi.
Bosh vazir Cho Jung Tay agar xavfsizlik ta’minlansa va jamoatchilik bu masala bo‘yicha konsensusga erishsa, Taypey atom energiyasi uchun “ochiq” ekanini ma’lum qilgan. Ammo mahalliy atom sanoatini qayta tiklash uchun kamida yillar kerak bo‘ladi.
Ma’lumot uchun, Tayvan o‘zining fuqarolik yadroviy dasturini 1950-yillarda AQSHning texnologik yordami bilan boshlagan. 1990-yilga kelib, davlatga qarashli Taipower elektr firmasi orolning elektr energiyasiga bo‘lgan ehtiyojining uchdan bir qismidan ortig‘ini ishlab chiqarish quvvatiga ega bo‘lgan uchta stansiyani boshqargan.
Izoh (0)