2025-yilgi Kann kinofestivali avvalgilardan farq qiladi, chunki tadbir boshlanishidan bir necha kun oldin haddan tashqari ochiq kiyimlarga taqiq qo‘yilgani maʼlum bo‘ldi: “Odob-axloq qoidalari tufayli ochiq kiyinish qizil gilamda ham, festivalning boshqa joylarida ham taqiqlanadi. Mehmonlar bilan uchrashganda, tashkilotchilar ushbu qoidalarga rioya qilmagan har qanday kishining qizil gilamga kirishini taqiqlashlari kerak”, deb yozilgandi rasmiy bayonotda.
Festivalga allaqachon ochiq kiyimlar buyurtma qilgan mashhurlar qanday qilib vaziyatdan chiqishgani nomaʼlum — chunki odatda, bunday tadbirlarga tayyorgarlik bir necha oy davom etadi. Biroq bu yilgi qizil yo‘lakda hamma narsa tartibli edi: faqat yirik brilliantlar va eng yaxshi dizaynerlardan buyurtma qilingan liboslar eʼtiborni tortardi, yulduzlar esa ochiq kiyimlarini aftepati uchun qoldirishga qaror qilishdi.
Qizil gilamda baʼzi taniqli shaxslar ko‘ylakning pastki qismidagi uzun kesmalar yordamida vaziyatdan chiqishga harakat qilishdi. Bunday holat Xaydi Klum va Izabel Fontana, va albatta, o‘ziga xos kamtarona ko‘ylak kiygan Bella Hadid tomonidan kuzatildi. Ammo yopiq kiyim bilan hayratga solganlar ham bor edi — ular orasida Irina Sheyk faqat yelka qismini ochib, Armani Priveʼning hashamatli ko‘ylagini kiydi — hatto Sheykning qo‘llari ham zich qo‘lqoplar bilan yopilgan edi. Uning obrazi festivaldan bir kun oldin shoshilinch ravishda tayyorlanganga o‘xshamasdi — ehtimol model uslubini butunlay o‘zgartirishga qaror qilgandir.
Irina Sheyk Armani Priveʼda
Shanina Shayk
Yeva Longoriya Tamara Ralphʼda
Xaydi Klum Elie Saabʼda
Juliya Garner Gucciʼda
Bella Hadid
Kristin San
Julet Binosh
Karolina Daur
Xolli Berri Jacquemusda
Izoh (0)