Iroq qamoqxona tizimidagi bosimni yumshatish maqsadida keng qamrovli amnistiya qonunini imzoladi. Qonun doirasida 19 mingdan ortiq mahbusni, jumladan, ISHID a’zosi sifatida sudlangan mahbuslarni ozod qildi. Bu haqda Al Jazeera xabar berdi.
Yanvar oyida qabul qilingan amnistiya to‘g‘risidagi qonunga ko‘ra, qurolli guruhlarga a’zolikda ayblangan ayrim mahbuslar ozodlikka chiqishi, qayta sudlanishi yoki ishlari tugatilishi nazarda tutilgan. Biroq “ekstremizm” bilan bog‘liq qotilliklarda aybdor deb topilganlar bundan mustasno.
ISHID 2014-yilda butun mamlakat bo‘ylab yurish qilishni boshlagan. Mosul, Tikrit va Faluja kabi yirik shaharlarni egallab, Iroq hududining deyarli uchdan bir qismini nazorat qilishga erishgan. 2017-yilda esa mag‘lubiyatga uchragan edi.
Bu yillarda minglab odamlar halok bo‘lgan, yuz minglab odamlar ko‘chishga majbur bo‘lgan. Yazidiy aholisi qirib tashlangan va katta hududlar vayronaga aylantirilgan. Iroq qo‘shinlari ISHID nazoratidagi hududlarni qaytarib olganida uning ko‘plab a’zolari hibsga olingan.
ISHID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)