“Manchester Yunayted” hujumchisi Joshua Zirkze faoliyatini A Seriyada davom ettirishi mumkin. Italiya manbalariga ko‘ra, niderlandiyalik futbolchining xizmatlariga “Inter” jiddiy qiziqish bildirmoqda.
Avvalroq, “Bolonya” safida to‘p surgan 23 yoshli hujumchi Italiya futbol muhitiga yaxshi moslashgan. Shu bois milanliklar uni o‘z safiga qo‘shib olish uchun harakat boshlagan. Shuningdek, Joshua ham sovrin yutish maqsadida kattaroq klublarga o‘tishga qarshi emas.
Zirkzening “Manchester Yunayted” bilan shartnomasi 2029-yil yozigacha amal qiladi. Shunday bo‘lsa-da, uning Italiya chempionatiga qaytish ehtimoli yuqori baholanmoqda. Transfer summasi taxminan 35 million yevro atrofida bo‘lishi mumkin.
Futbolchining “Manchester Yunayted”dagi ishlarini yaxshi deb bo‘lmaydi. Sababi Zirkze joriy mavsum Premyer Liga doirasidagi 32 uchrashuvda maydonga tushib, o‘z hisobiga 3 ta gol va 1 ta golli uzatmaga yozdirib qo‘ygan. Bu markaziy hujumchi uchun pastroq ko‘rsatkich sanaladi.
Izoh (0)