Gollivuddagi asosiy ekstremal shaxs — Tom Kruzning hech bir filmi xavfli sahnalarsiz o‘tmaydi. Bu safar 62 yoshli aktyor Londondagi BFI IMAX kinoteatrining tomiga hech qanday xavfsizlik vositalarisiz chiqdi. Shu tariqa aktyor “Uddalab bo‘lmas topshiriq” turkumidagi yangi film — “Yakuniy jazo” nomli kartinani reklama qilishga qaror qildi.
Film 23-may kuni katta ekranlarda premyera qilinadi, 14-may kuni esa u Kann kinofestivalida tanlovdan tashqari dasturda namoyish etiladi. Mazkur film Markaziy razvedka boshqarmasi (CIA) agenti Iten Xant haqidagi sakkizinchi film bo‘ladi, ushbu rolni Kruz 1996-yildan beri ijro etib kelmoqda.
Tom Cruise standing on top of the BFI IMAX theater. https://t.co/yuMThms8tD
— DiscussingFilm (@DiscussingFilm) May 11, 2025
Aktyor xavfli sahnalarni kaskadyorlar yordamisiz bajarishi bilan mashhur, Londonda ijro etilgan tryukda ham hech qanday maxsus effektlar qo‘llanilmagan. Bundan tashqari, u yer sathidan 800 metr balandlikda joylashgan Burj-Xalifa minorasiga quruq qo‘llar bilan chiqa olgan. Bunda unga maxsus yopishqoq qo‘lqoplar va xavfsizlik arqoni yordam bergan.
Tomning yana bir afsonaviy tryuki samolyotning tashqi qismida turgan holda parvoz qilish sahnasidir. U samolyot korpusini ushlab turgan va u balandligi 1,5 kilometrga yetguncha havoga ko‘tarilgan. Bu sahna sakkizinchi urinishda suratga olingan.
Izoh (0)