Marvel’ning yovuz qahramonlari grim va kompyuter grafikasisiz qanday ko‘rinishga ega?

Mazkur aktyor va aktrisalarni grimda tanimasligingiz aniq. Ular o‘z rollarini shunchalik qoyilmaqom ijro etganki, aktyorlarni faqat obrazlari bilangina yodga olasiz.

Altron — Jeyms Spayder

Jeyms Spayderning bo‘yi 180 santimetrdan oshmaydi, bu esa “Qasoskorlar: Altron davri” filmi qahramonlarining hammasidan baland bo‘lgan Altrondan ancha farq qiladi. Shu sababli muammo yuzaga kelishi mumkin edi: aktyorlar suratga olish paytida Spayderning ko‘zlariga qarasa-da, filmda hamma narsa ular boshidan pastga qarayotgandek ko‘rinardi. Buning oldini olish maqsadida Jeymsga eng tepasida qizil sharchalar o‘rnatilgan maxsus antenna biriktiriladi - bu sharchalar aktyorlar dublyaj paytida qarashi lozim bo‘lgan o‘ziga xos ko‘zlar vazifasini o‘tardi. Biroq Elizabet Olsen Jeymsning aktyorlik mahoratidan shunchalik hayratga tushganki, Aaron Teylor-Jonsonga sahna ortidan tez-tez “Qizil sharlarga qara, Lizzi!” deb qichqirishga to‘g‘ri kelgan. Aslida faqat Elizabetgina emas, balki boshqalar ham ta’sirlangan. Spayder o‘zining birinchi dublini yakunlaganidan so‘ng, butun suratga olish jamoasi uni olqishlashni boshlagan.

Keyt Blanshett

Keyt Blanshett 2001-yilda “Uzuklar hukmdori: Uzuk birodarligi” filmida, 2015-yilda esa “Zolushka” filmida rol ijro etgan. Shuningdek, Keyt “Tor: Ragnaryok” filmidagi Xela rolini o‘g‘illari tufayli ijro etgan. Katta o‘g‘li Deshill Jon Apton onasiga bu film uning karyerasiga turtki berishini aytgan. 

Tanos — Josh Brolin

Josh Brolin ham xuddi Jeyms Speyder Altron rolida boshidan kechirganidek, o‘xshash jarayonni o‘tkazishiga to‘g‘ri keldi. Ammo Joshning vazifasi yanada og‘irroq edi. U oddiy antenna emas, balki yuzini suratga oladigan kamera o‘rnatilgan dubulg‘a taqib yurishi kerak edi. Bundan tashqari, Brolin boshqa aktyorlar unga yaqinlashmasligi va montaj paytida “teksturalarga singib ketmasligi” uchun Tanosning hajmiga mos keladigan kostyum kiygan. Qizig‘i shundaki, barcha voqealardan so‘ng Tanos boshqa sayyorada bo‘lgan so‘nggi sahnada Josh Brolinning o‘zi ishtirok etmagan. U haqiqatan ham tasvirga tushirilgan, ammo faqat grafika yordamida, xuddi sahnadagi boshqa barcha narsalar singari.

Ronan — Li Peys

Ko‘pchilik Li Peysni “Xobbit” trilogiyasidagi Tranduil, “Sumerki”dagi Garret, “Asos” hamda boshqa film va seriallardagi rollari orqali taniydi. “Galaktika qo‘riqchilari” filmida u yovuz Ronan rolini ijro etishi kerak edi, ammo film oxirida bosh qahramonlarning raqsi tufayli mag‘lub bo‘ldi. Qizig‘i shundaki, Li Peys dastlab Piter Kvill roliga kasting topshirgan, biroq bu rolni Joel Edgerton, Kem Jigande, Zakari Livay, Jensen Ekkls, Aaron Pol, Jon Krasinski, Eddi Redmeyn, Jeyms Marsden va boshqalar singari qo‘ldan boy bergan.

Nebula — Karen Gillan

“Galaktika qo‘riqchilari” filmining ikkinchi qismidan boshlab Nebula ko‘proq antiqahramon va hatto ijobiy personaj bo‘lishiga qaramay, birinchi filmda u ikkinchi darajali yovuz sifatida tasvirlangan. Karen Gillan bu rolni olishidan oldin, Gal Gadot uni o‘ynashni istagan. U “Forsaj” filmidan keyin faol ravishda yangi ish izlagan va umidsizlikdan hatto Gollivudni tark etishni o‘ylagan. Karen yangi roli uchun ayol kishi bajara oladigan eng murakkab tayyorgarlikdan o‘tadi — u grimyorlar ishini osonlashtirish uchun sochini butunlay qirdirib tashlaydi. Ammo keyinchalik grimyorlar unga minnatdorlik sifatida o‘z sochlaridan yasalgan parik taqdim etishadi.

Kull Obsidian — Terri Notari

Bolaligida Terri Notari nihoyatda giperaktiv bola bo‘lgan. Shu bois ota-onasi uni gimnastikaga bergan. Keyinchalik u Kaliforniya universitetiga o‘qishga kirib, u yerda teatr yo‘nalishida gimnastika bilan shug‘ullangan. 2000-yildan boshlab Terri kaskadyor va tryuklar bo‘yicha murabbiy sifatida faoliyat yurita boshlagan: u boshqa aktyorlarga qanday harakat qilish kerakligini o‘rgatgan. Uning mahorati, ayniqsa, 2001-yildagi “Maymunlar sayyorasi” filmida juda qo‘l kelgan. U filmda barcha aktyorlarga maymun kabi qanday harakat qilishni namoyish etgan. Keyinchalik “Maymunlar sayyorasi: qo‘zg‘olon” va “Maymunlar sayyorasi: urush” filmlarida ham ishtirok etgan. Bundan tashqari, Notari ko‘pincha turli xil fantastik personajlar rollarini ijro etadi: u “O‘rmondagi kulba” filmida Masxaraboz, “Maymunlar sayyorasi” filmlar turkumida ikkita maymun, “Xobbit” trilogiyasida goblin va yana bir nechta personaj hamda “Kong: Bosh suyagi oroli” filmida Kong rollarini gavdalantirgan.

Korvus Gleyv — Maykl Jeyms Shou

“Abadiyat jangi” va “Final ”Maykl Jeyms Shou filmografiyasidagi yagona kinofilmlar bo‘lib qoldi. U asosan seriallari bilan tanilgan. Faoliyatining boshida, ya’ni 2010-yillarning birinchi yarmida, u qisqa metrajli filmlarda suratga tushgan, keyinchalik esa “Konstantin” serialining uch qismida, “Zulmat hududi” serialining o‘n to‘rt qismida va “Yuruvchi o‘liklar” serialining o‘n besh qismida rol ijro etgan. So‘nggi serialda u Maykl Merser rolini o‘ynagan.