“Bayer” yarim himoyachisi Florian Virts o‘z kelajagi borasida qaror qabul qildi. Unga ko‘ra, futbolchi yaqin atrofidagilarga jumladan, jamoa bosh murabbiyi Xabi Alonsoga ham o‘z orzusidagi klubni aytgan Bu haqda Todofichajes nashri xabar berdi.
Manbada aytilishicha, Virts na Angliya Premyer Ligasi, na La Liga jamoalarini tanlagan. Virtsning asosiy maqsadi — “Bavariya” safida to‘p surish.
Shunga qaramay, “Bayer” futbolchini osonlikcha qo‘yib yubormoqchi emas. Klub bosh direktori Fernando Karro Virtsni 150 million yevro evaziga qo‘yib yuborishini ma’lum qilgan edi. Avvalroq Florianga “Real Madrid” hamda “Manchester Siti” qiziqish bildirgan edi, lekin u bu takliflarni rad etgan.
Virtsning oilasi ham uni Germaniyada qolishini istamoqda. Bild nashrining yozishicha, futbolchining otasi Hans Virts so‘nggi oylar davomida “Bavariya” bilan bir necha bor uchrashgan va allaqachon dastlabki kelishuvga erishilgani aytilmoqda.
21 yoshli futbolchi joriy mavsum “Bayer”ning asosiy yulduzlaridan biri bo‘ldi. U 49 o‘yinda ishtirok etib, o‘z hisobiga 18 ta gol va 19 ta golli uzatma yozdirib qo‘ygan.
Izoh (0)