Nyu Yorkdagi Metropoliten muzeyida Kostyum instituti ko‘rgazmasining ochilishiga bag‘ishlangan anʼanaviy tadbir Met Gala 2025 qizil yo‘lagi tashkillashtirildi. Bu yil 10-maydan 26-oktyabrgacha davom etadigan ekspozitsiya mavzusi — “qora dendi” deb ataldi. 
 

Ko‘rgazmadan ilhomlangan balning mavzusi “Siz uchun tikilgan” tariqasida yangraydi va tikuvchilik sanʼatiga, yaʼni buyurtma asosida yaratilgan va qomatga mohirona moslashtirilgan hashamatli liboslarga urg‘u beradi. Aksariyat dizaynerlar qizil yo‘lak uchun erkaklar modasi elementlaridan foydalanganlar: ko‘plab mehmonlar qatʼiy bichimli kostyumlar va avangard ko‘rinishdagi hashamatli detallarga ega edi. 2025-yili Met Galaʼning eng yorqin obrazlari va tafsilotlarini tanlab oldik, siz ham baho bering.

Kechaning boshlovchilari chapdan o‘ngga: Vogue jurnalining bosh muharriri Anna Vintur, aktyor Kolman Domingo va poygachi Lyuis Hemilton. Vinturning ustida Louis Vuittonʼning eksklyuziv ko‘ylagi, Hemilton esa Wales Bonner kostyumida. Domingo qizil gilamga Valentino brendining yorqin ko‘k rangli paltosi bilan chiqdi, uning yoqasi bezatilgan edi. Keyinroq aktyor paltosini yechdi va shu brendning kostyumida baldagi ishtirokini davom ettirdi.

Shakira Prabal Gurungning ko‘ylagida.

Aktyor Endryu Skott Giuliva Heritage kostyumida.

Xonanda va aktrisa Janel Moneni Thom Browne paltosi kiygan, uning ichida qizil-qora-oq rangli kostyum ham bor edi. Shlyapasiga biriktirilgan soatli monoklda ishlaydigan soat mexanizmi o‘rnatilgan.

Rianna Marc Jacobs kostyumida.

Madonna Tom Ford kostyumida.

Amerikalik xonanda, disko yulduzi Diana Ross nigeriyalik dizayner Ugo Mozi tomonidan tikilgan ko‘ylak kiygan. Besh metrdan uzunroq etakni besh yordamchi ko‘tarib yurgan. 2003-yildan beri birinchi marta balga tashrif buyurgan Rossning shlyapasida bolalari va nabiralari ismlari tushirilgan.

Demi Mur galstuk shaklidagi Thom Browne ko‘ylagida.

Edrian Broudi Fear of God markasining kostyumida

Britaniyalik aktyor Demson Idris Tommy Hilfigerning ikkita — poygachi va klassik uslublaridagi kostyumida. Ehtimol, bu obraz 2024-yilda u rol ijro etgan “Formula-1” filmiga bog‘liqdir.

“Vorislar” serialining yulduzi avstraliyalik aktrisa Sara Snuk anOnlyChild brendining kostyumida.

Aktrisa Zoi Saldana Thom Browne ko‘ylagida.

Zendaya Louis Vuitton kosyumida.

Bollivud qiroli Shohrux Xon Met Gala balida ilk marta ishtirok etdi. U kechaga Sabiyasachi Mukerjining uzun paltosida tashrif buyurdi.  

Priyanka Chopra Balmain ko‘ylagida.