Germaniya hukumati Ukrainaga IRIS-T havo hujumidan mudofaa tizimlari uchun raketalar, artilleriya o‘q-dorilari, turli xil dronlar, muhandislik ta’minoti vositalari, zirhli transport vositalari va boshqa texnikalardan iborat keng ko‘lamli harbiy yordam paketini topshirdi.
Ukraina IRIS-T SLM zenit-raketa tizimlari uchun raketalar; Leopard 2 tanklari uchun o‘q-dorilar; 155 mm kalibrli 27 mingta artilleriya snaryadi; 122 mm kalibrli 1 mingta artilleriya o‘q-dorilarini olgan. Ehtiyot qismlar to‘plamiga ega 70 ta Vector razvedka dronlari; 150 ta HF-1 qurolli dronlar; 20 ta yer usti robot platformalari; 6 ta zirhli Bergepanzer 2 evakuatsiya mashinasi (ehtiyot qismlar bilan) yetkazib berilgan.
Bundan tashqari, Kiyevga 4 ta WISENT 1 minalarni tozalash mashinasi ehtiyot qismlari bilan birga
- 2 ta muhandislik plugi (yerosti minalarini tozalash uchun),
- 41 ta yer usti kuzatuv radar stansiyasi,
- o‘nlab yordamchi uskunalar — lazerli masofa o‘lchagichlar,
- infraqizil binokllar,
- g‘avvos skuterlar,
- chegara xizmatlari ehtiyoji uchun avtomobillar,
- RGW 90 tipidagi tankka qarshi granatamyotlar,
- G3 va MK 556 miltiqlari yuborilgan.
Berlin yilning birinchi yarmida Kiyevni harbiy qo‘llab-quvvatlash hajmini sezilarli darajada kengaytirishni rejalashtirgandi. Yangi havo hujumidan mudofaa tizimlari, tanklar va gaubitsalarni topshirish kutilmoqda.
Mart oyidayoq Germaniya hukumati harbiy yordam ro‘yxatini yangiladi: unga uchta yangi Gepard zenit qurilmasi, IRIS-T uchun qo‘shimcha raketalar va o‘q-dorilar partiyasi kiritilgan. O‘sha oyda Germaniya prezidenti Frank-Valter Shtaynmayer mudofaa sohasi va infratuzilmaga katta sarmoya kiritishni nazarda tutuvchi qonunni imzolagan. Hujjat, xususan, Ukrainani harbiy qo‘llab-quvvatlash uchun 3 milliard yevro ajratishni blokdan chiqargan.
2024-yil oktyabr oyida Xristian-demokratik ittifoqi yetakchisi va o‘sha paytdagi kanslerlikka nomzod Fridrix Merts Ukrainaga Taurus qanotli raketalarini yetkazib berishni faol qo‘llab-quvvatlagandi. Biroq vaqt o‘tishi bilan uning ritorikasi yumshagan: dekabr oyida u bu kabi qarorlar AQSH va Yevropa Ittifoqi ittifoqchilari bilan maslahatlashgandan keyin qabul qilinishini aytgan.
2025-yil fevral oyida esa Merts Ukrainaga Taurus raketalarini berishni yoqlayotganini, biroq bunga barcha Yevropa ittifoqchilari rozi bo‘lsa, amalga oshirilishi mumkinligini bildirgan. 7-may kuni, allaqachon federal kansler maqomida bo‘lganida, u yangi Germaniya hukumati Ukrainaga Taurus raketalarini yetkazib berish masalasida tayanch bo‘lishini ma’lum qildi.
Izoh (0)